Даслаць навіну
Знайсці
06.01.2019 / 12:46 9

Што рабіць, калі «Белтэлекам» паведаміў пра «аўтаматычнае» падключэнне платнага антывіруса

Павялічыць выяву

Фота: pixabay.com

Абанент «Белтэлекама» з Навагрудка атрымаў у канцы снежня па пошце незвычайнае паведамленне, піша 42.TUT.BY.

У паведамленні гаварылася, што з камп'ютара абанента рассылаецца спам. Каб гэтага пазбегнуць, апэратар падключыў антывірус «Лабараторыі Касперскага». У лісце напісана: падключэнне паслугі бясплатнае, са 100%-й зніжкай на месяц. А ніжэй: пасля заканчэння месяца — поўная аплата.

Паслуга каштуе 16 капеек на суткі, або 58,4 рубля на год для аднаго камп'ютара. 

«З 20 снежня адбудзецца аўтаматычнае бясплатнае падключэнне паслугі, — гаворыцца ў паведамленні. — Калі вас не зацікавіла гэтая прапанова, просім вас да 19 снежня патэлефанаваць у сэрвісны цэнтр або адправіць паведамленне на e-mail».

Павялічыць выяву

Фота даслаў чытач.

«Чаму раённы вузел электрасувязі вырашыў самавольна заняцца навязваннем дадатковых паслуг — незразумела, — разважае чытач TUT.BY, які даслаў здымак ліста ў рэдакцыю. — У лісце не гаворыцца пра існаванне альтэрнатыўных антывірусных рашэнняў, пра тое, што гэта рашэнне можа быць набыта самастойна, і гэтак далей».

Да таго ж аператар можа зачыніць абанентам-спамерам 25-ы порт пратаколу TCP/IP (яго выкарыстоўваюць для перасылкі паштовых паведамленняў у выглядзе незашыфраванага тэксту). Калі зрабіць гэта, спам не будзе рассылацца — нават без платных антывірусаў.

«Белтэлекам» у каментары падкрэслівае: 25-ы порт абанентам-спамерам закрываюць прымусова.

«Беручы пад увагу той факт, што ў большасці выпадкаў spam-рассылка ажыццяўляецца без ведама абанента з заражанага камп'ютара, менавіта тым карыстальнікам, чый 25-й порт быў зачынены, і дасылаецца прапанова падключыць паслугу «Антывірусная абарона» ЗАТ «Лабараторыя Касперскага»», — гаворыцца ў каментары аператара.

Аператар сцвярджае: абаненту прадстаўляецца магчымасць адмовіцца ад падключэння паслугі. Пры гэтым абанент паведамляе вузлу электрасувязі званком па тэлефоне ці адпраўкай паведамлення па электроннай пошце.

Пасля заканчэння акцыйнага перыяду абанент таксама мае магчымасць адмовіцца ад карыстання паслугай. Адмову можна аформіць у сэрвісных цэнтрах «Белтэлекам», асабістым кабінеце карыстальніка або ў дадатку «Мой Белтэлекам».

0
Матёрый / адказаць
06.01.2019 / 19:22
Дзмiтрок, не одного раза не пользовался.
3
Libertarian / адказаць
06.01.2019 / 20:26
Лінукс - самы надзейны бясплатны антывірус.
0
Лявон Баршчэўскі / адказаць
07.01.2019 / 15:56
Дзмiтрок,
а я што - напісаў, што Касьперскі не працуе на сваю жонку?

У мяне няма падставаў не давяраць, напрыклад, такому саліднаму выданьню, як Washington Post. У мяне самога стаіць іншы антывірус. А наогул, грэх на Куцьцю выліваць столькі жоўці на іншых. 

Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
сакавік красавік май
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30