Знайсці
05.01.2019 / 13:56РусŁacБел

Мінскі планетарый пачынае год паказамі сферычнага фільма на беларускай мове

Мінскі планетарый у гэтым годзе пачне паказваць сферычныя фільмы на беларускай мове — першым прадубляваны мультфільм «Мышаняты і Месяц».

Прэм'ерны паказ фільма запланаваны на 5 і 6 студзеня, паведамілі карэспандэнту БелТА ва ўстанове.

«Беларускую гукавую дарожку падрыхтавала студыя, якая займалася стварэннем самага мультфільма. Дарэчы, гэта таксама першы беларускі фільм, створаны спецыяльна для паказу на купале. У нашым планетарыі яго прэм'ерны паказ на рускай мове адбыўся ўвосень 2017 года. За гэты час фільм быў перакладзены на англійскую, нямецкую, французскую і іншыя замежныя мовы. А цяпер беларуская публіка зможа ўбачыць яго і на беларускай мове, — патлумачыў кіраўнік Мінскага планетарыя Аляксандр Мікуліч. —

Наступным запланаваны дубляж фільма «Мая. Назіральнікі Сусвету», ўжо рыхтуем яго ў беларускай версіі. І далей маюць намер перакладаць найбольш папулярныя фільмы».

«Мышаняты і Месяц» — гэта гісторыя прыгод двух мышанятаў Піпа і Скрыпа, якія шукалі адказ на пытанне, хто з'ядае сыр у небе,які свеціцца. Яны даведаліся, што на самай справе гэта Месяц, які нельга з'есці. Затое на ім ёсць мора без вады, кратары і яшчэ шмат цікавага. Такога, што хочацца абавязкова калі-небудзь там пабываць і пабачыць на свае вочы. А пакуль такой магчымасці няма — глядзець праз тэлескоп. Мінскі планетарый запрашае маленькіх і дарослых у займальнае падарожжа на Месяц.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера