Што мы слухалі ў снежні: 7 найбольш значных альбомаў месяца
Традыцыйна робім справаздачу музычных навінак мінулага месяца. На жаль, канец 2018 года не парадаваў гучнымі рэлізамі, але і на бязрыб'і знайшлося, чым пачаставацца.
The Polish Ambassador & The Diplomatic Scandal — Land of the Lush
Давід Сугальскі, вядомы як Польскі Амбасадар, — музыка і дыджэй з Сан-Францыска, на працягу 5 гадоў запісваў альбом, запрошаныя музыкі дадавалі ў яго разынак, і ў выніку атрымаўся Land of the Lush.
LP — Heart to Mouth
Падчас працы над альбомам Лаўра Пергаліццы прызналася, што ён павінен рабіць людзей шчаслівымі. І гэта, здаецца, амерыканцы італьянскага паходжання ўдалося.
Спявачка неаднаразова прыязджала ў Мінск з выступленнямі, а новы альбом будзе прэзентаваць 11 красавіка. Квіткі можна набыць на нашай «Афішы НН».
Infected Mushroom — Head of NASA and the 2 Amish Boys
Дванаццаты альбом культавых ізраільскіх музыкантаў — гэта спроба выйсці на касмічныя арбіты, моцна залучыўшы асацыяцыі электроннай музыкі з космасам.
LOUNA — Panopticon
Лусінэ Геваркян выдала другі англамоўны альбом, у які ўвайшлі 10 найлепшых трэкаў гурта з рэлізаў «Мы — это Louna» ды «Дивный новый мир», перакладзеных на англійскую мову.
Naibu — Manœuvres
Французскі электроншчык з даволі арыгінальным для славянскага вока псеўданімам у снежні прэзентаваў свой новы лонгплэй.
ЛІСА — Абракадабра
Летам мы пісалі пра 19-гадовую Лізу Кастэнка і знаёмілі чытачоў з яе творчасцю. Напрыканцы года ў дзяўчыны выйшаў дэбютны альбом «Абракадабра» — гісторыя кахання лірычнай гераіні.
Калі вы брутальны дзядзька, то перажыванні юнай дзяўчыны пад немудрагелісты біт будуць вам незразумелыя, але ў сваю мэтавую аўдыторыю Ліса трапляе на 100% — напрыклад, Укантакце альбом ужо мае больш за 70 тысяч праслухоўванняў!
Brock Berrigan — Cadillac Mountain
Брок Бэрыган — гэта яшчэ адна музычная таямніца. На публіцы таленавіты біт-мэйкер з'яўляецца ў масцы пеўня, а вольны час любіць бавіць у адзіноце, цешачы слухачоў атмасфернымі навінкамі.