Топ-чыноўнікі назіраюць, як Лукашэнка гуляе ў хакей ФОТАФАКТ
Адкрыццё традыцыйнага аматарскага хакейнага турніра на прызы Аляксандра Лукашэнкі адбылося 3 студзеня на «Чыжоўцы-Арэне». Каманда кіраўніка краіны ў першым матчы прымала зборную Міжнароднай федэрацыі хакея і перамагла з лікам 13:7.
Адметна, што на трыбунах засвяціліся топ-чыноўнікі. На гэтым скрыне з відэа тэлеканала АНТ бачна, што за гульнёй прэзідэнта назіралі: міністр замежных справаў Уладзімір Макей (першы ў верхнім шэрагу, далей злева направа), кіраўнік Белтэлерадыёкампаніі Іван Эйсмант, старшыня праўлення АНТ Марат Маркаў, кіраўнік СТБ Ігар Луцкі, галоўны рэдактар «СБ. Беларусь сёння» Дзмітрый Жук, генеральны пракурор Аляксандр Канюк (другі ў ніжнім шэрагу, далей злева направа), дырэктар Дэпартамента фінансавых расследаванняў Ігар Маршалаў, дзяржаўны сакратар Рады бяспекі Станіслаў Зась.
