Знайсці
03.01.2019 / 12:1115РусŁacБел

Расійскі палітолаг Піянткоўскі: Большасць беларусаў супраць аншлюсу — гэта гістарычная заслуга Лукашэнкі. Супраціў агрэсару будзе масавым

Расійскі ліберальны палітолаг Андрэй Піянткоўскі на сайце kasparov.ru падводзіў вынікі 2018 года. Праз усё інтэрв’ю праходзіла тэма магчымага далучэння Беларусі да Расіі.

Аналітык мяркуе, што ў Пуціна скончылася цярпенне ў дачыненні Беларусі. «Лукашэнка павінен у найбліжэйшы час зрабіць свой выбар. Альбо падпарадкавацца, і тады яму забяспечаць ціхую і спакойную старасць, а можа быць, нават і сыноў уладкуюць, альбо з велізарнай для сябе рызыкай працягнуць тое, чым ён займаецца ўжо больш за 20 гадоў — супраціў крамлёўскаму аншлюсу.

Лукашэнка — чалавек авантурнага складу, надзвычай амбіцыйны, я зусім не выключаю, што ён можа абраць шлях змагара за захаванне беларускай незалежнасці. І я не сумняваюся, што большасць беларусаў яго ў гэтым падтрымаюць. Пытанне толькі ў тым, да каго больш лаяльныя беларускія сілавыя структуры: да свайго прэзідэнта або агентаў Масквы, якія, безумоўна, іх праймаюць зверху данізу», — лічыць Піянткоўскі.

Адметна, што падзеі 1994 года расійскі палітолаг называе пераваротам і лічыць, што менавіта Масква дапамагла Лукашэнку прыйсці да ўлады ў Беларусі.

«Большасць беларускага народа не падтрымлівае аншлюс. Гістарычна гэта заслуга Лукашэнкі, які чвэрць стагоддзя захоўваў незалежнасць Беларусі. Масква зрабіла недарэчную памылку, калі замяніла старых савецкіх функцыянераў накшталт Шарэцкага і Кебіча на Лукашэнку. Тых людзей ёй бы ўдалося ўцягнуць у Расійскую Федэрацыю ў якасці шасці абласцей.

А Лукашэнка змагаўся. Натуральна, ён рабіў гэта дзеля сябе, для ўтрымання асабістай улады. Але за гэтыя гады ў Беларусі вырасла нацыянальная самасвядомасць, якой у 1991 годзе не было з-за шэрагу прычын. Цяпер супраціў агрэсару будзе масавым», — мяркуе палітолаг.

Таксама Піянткоўскі выказаў думку, што эканамічны шантаж Масквы Беларусь зможа вытрымаць, калі звернецца па дапамогу да «кітайскіх спонсараў».

ЗП

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера