Кульгавы мужчына ў масцы абрабаваў запраўку ў Мінску ВІДЭА
Праваахоўнікі шукаюць мужчыну, які абрабаваў сталічную аўтазапраўку, паведамляе ГУУС Мінгарвыканкама.
Следчыя высвятляюць асобу мужчыны, які 21 снежня 2018 г. у 22.25 у памяшканні аўтазапраўкі па вул. Анаева ў Мінску выкраў дзённую выручку ад продажаў, пагражаючы прадметам, падобным да пісталета.
Рабаўніку на выгляд 30-35 гадоў, яго рост - каля 180 см. Мужчына сярэдняга целаскладу, на твары была медыцынская маска светлага колеру. Быў апрануты ў скураную куртку да пояса цёмнага колеру з двума папярочнымі маланкамі ад замка на грудзях, сінія джынсы, чорныя красоўкі, на руках меў пальчаткі, на галаве - чорную вязаную шапку. Прыкульгвае на левую нагу.
Інфармацыю праваахоўнікі просяць паведамляць па тэлефонах: (017) 239-41-75, 239-41-76 (кругласутачна) або па тэлефоне 102.
