Даслаць навіну
Знайсці
02.01.2019 / 23:03 5

З Украіны за прарасійскую дзейнасць выслалі беларуса Паўла Карназыцкага, які ў 90-я быў агентам КДБ у апазіцыі

Павялічыць выяву

Фота: tvc.ru.

Служба бяспекі Украіны вінаваціць грамадзяніна Беларусі Паўла Карназыцкага ў распаўсюджанні «антыўкраінскай прапаганды», паведаміла прэс-служба СБУ. Пры канцы 90-х Карназыцкі эміграваў і прызнаўся, што быў завербаваны беларускім КДБ для збору інфармацыі на актывістаў апазіцыі (тады ён узначальваў Маладую Грамаду). 

СБУ сцвярджае, што Карназыцкі, які пражываў ва Украіне нелегальна, пашыраў фэйкавую інфармацыю. У прыватнасці, «падчас выступаў на некаторых тэлевізійных каналах ён ставіў пад сумнеў прызнаныя міжнароднай супольнасцю доказы прысутнасці войскаў краіны-агрэсара на часова акупаваных тэрыторыях нашай краіны», гаворыцца ў паведамленні.

Таксама Карназыцкага вінавацяць у тым, што ён «неаднаразова публікаваў антыўкраінскія матэрыялы на медыя-рэсурсах, падкантрольных тэрарыстычным арганізацыям «ДНР» і «ЛНР».

Старшыня СБУ Васіль Грыцак адзначыў, што пасля ўвядзення абмежаванняў на ўезд расійскіх грамадзян ва Украіне спецслужбы РФ ўсё часцей прыцягваюць да правакацый замежнікаў. «Дзейнасць падобных праплочаных Расіяй прапагандыстаў ставіць пад пагрозу не толькі нацыянальныя інтарэсы Украіны, але і супярэчыць заканадаўству краіны іх паходжання», — адзначыў старшыня СБУ.

2 студзеня 2019 Карназыцкага прымусова вярнулі ў Беларусь з забаронай уезду ва Украіну тэрмінам на тры гады.

Паўлу Карназыцкаму 43 гады, ён скончыў БДУ, актыўна ўдзельнічаў у грамадска-палітычным жыцці Беларусі ў другой палове 1990-х, быў лідарам моладзевай арганізацыі Беларускай Сацыял-Дэмакратычнай Грамады. Пасля прызнаўся, што быў завербаваны КДБ і працаваў на спецслужбы пад псеўданімам «Ралан». Ад канца 1990-х жыў ва Украіне, дзе заснаваў інфармацыйны партал glavnovosti.com.

На сайце Korrespondent.net прэзентаваў сябе як «журналіст і багаслоў. Патрыёт Украінскай Русі. Палітычны аглядальнік».

4
Электробус / адказаць
03.01.2019 / 08:00
Слава Украіне!
1
Небарака / адказаць
03.01.2019 / 09:11
Карназыцкі, заўтра ў КДБ да дырэктара з бацькамі!
0
Ladzimir / адказаць
03.01.2019 / 10:00
Высылать трэба и пажыццева забараняць уезд на Украіну.
Такіх ужо не параробіш. І к нам трэба забараняць уезд. Тут ен будзе таксама весці анцідзяржаўную прапаганду. Гэта ў крыві.

Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
май чэрвень ліпень
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30