Бяспраўнік насмерць збіў пенсіянерку ў Круглянскім раёне

У ДТЗ у Круглянскім раёне загінула жанчына, паведамілі БелТА ва УУС Магілёўскага аблвыканкама. Жыхар горада Круглае 1 студзеня ў 11.25, кіруючы аўтамабілем «Рэно-Меган» (не маючы правоў), каля вёскі Філатава Круглянскага раёна, не справіўся з кіраваннем і наехаў на пенсіянерку, 1939 года нараджэння, жыхарку вёскі Баканава, што ішла па ўзбочыне ў спадарожным кірунку. Ад атрыманых траўмаў жанчына памерла на месцы.

Усяго за выхадныя Дзяржаўтаінспекцыя выявіла 994 парушэнні правілаў дарожнага руху. Затрыманыя і адхіленыя ад кіравання 29 вадзіцеляў, якія знаходзіліся за рулём у стане алкагольнага ап'янення. 92 перавысілі хуткасць.

0

0

0

0

0

0