Лукашэнка заявіў, што спорт — гэта вайна, і патлумачыў чаму
БелТА
Пра гэта Лукашэнка сёння заявіў па нарадзе па спорце, піша БелТА.
«Сёння спорт — гэта ўжо не барацьба, а вайна. Ты выходзіш, як на вайну, на пляцоўку з клюшкай ці ў футбол гуляеш. Толькі тады ты можаш выйграць», - перакананы ён.
Кіраўнік дзяржавы ў якасці прыкладу распавёў пра сваю нядаўнюю сустрэчу з экс-прэзідэнтам Латвіі Гунцісам Улманісам, які з'яўляецца старшынёй праўлення рыжскага ХК «Дынама». Яны ў тым ліку абмеркавалі асаблівасці развіцця хакея ў сваіх краінах.
«Вы паглядзіце, як гуляюць рыжане, як гуляе ў іх зборная. Гэта ж дух!» — заявіў Аляксандр Лукашэнка. Як распавёў яму Гунціс Улманіс, рыжскаму «Дынама» вельмі пашанцавала з трэнерам [Гіртсам Анкіпансам — НН]. Ён увесь час настройвае сваіх падапечных на актыўную барацьбу, таму хакеісты імкнуцца выціснуць максімум з сваіх намаганняў.
***
На мінулым чэмпіянаце свету па хакеі зборная Беларусі пакінула элітны дывізіён, заняўшы ў групе апошняе месца, а Латвія выйшла ў 1/4 фіналу, дзе прайграла будучым чэмпіёнам свету шведам 2:3.
У сённяшнім чэмпіянаце КХЛ рыжскае «Дынама» ідзе на 9-м месцы, адстаючы ад зоны плэй-оф на тры балы, а мінскае на апошнім. Адставанне ад зоны плэй-оф складае 15 балаў, паміж клубамі 12 балаў. Сёння каманды згуляюць паміж сабой на Мінск-арэне.
