Указ аб ілжэпрадпрымальніцтве будзе адменены з 1 студзеня
Указ №488 «Аб некаторых мерах па прадухіленні незаконнай мінімізацыі сум падатковых абавязацельстваў» будзе адменены з 1 студзеня 2019 года, паведаміў намеснік міністра фінансаў Дзмітрый Кійко ў Палаце прадстаўнікоў, перадае БелТА.
«Прынята рашэнне аб поўнай адмене гэтага ўказа з 1 студзеня 2019 года з адначасовай рэалізацыяй палажэнняў, накіраваных на спыненне ілжэпрадпрымальніцкай дзейнасці, у Падатковым кодэксе», — сказаў Дзмітрый Кійко.
У прыватнасці, артыкул Агульнай часткі «Правы плацельшчыкаў» прапануецца дапоўніць правам выкарыстоўваць інфармацыю аб суб'ектах гаспадарання і іх дзейнасці, якая размяшчаецца падатковымі органамі ў інтэрнэце на адзіным партале электронных паслуг. Гэта дазволіць суб'ектам гаспадарання правяраць дзелавую рэпутацыю сваіх бізнэс-партнёраў, не ўскладаючы на дзяржаву адказнасць за нясвоечасовае выяўленне суб'ектаў, у дзейнасці якой бачацца прыкметы лжэпрадпрымальніцтва, растлумачыў намеснік міністра.
Палата прадстаўнікоў прыняла сёння ў першым чытанні праект абноўленага Падатковага кодэкса.
