Суд у ЗША абавязаў браканьера пераглядаць мультфільм «Бэмбі»
У ЗША браканьера з Місуры прысудзілі да года турмы і штомесячнага прагляду мультфільма «Бэмбі» ад студыі Disney, піша Fox News.
Дэвід Беры-малодшы быў адным з трох мужчын, асуджаных за забойства некалькіх соцень жывёл. Браканьер адсякаў галовы аленям, пакідаючы іх целы.
Пасля прызнання віны яго прысудзілі да аднаго года пазбаўлення волі ў акрузе Лоўрэнс і 120 дзён турэмнага зняволення ў суседняй акрузе з-за парушэння ўмоўнага пакарання за ўчыненне цяжкага злачынства з ужываннем агнястрэльнай зброі.
Акрамя таго, часткай пакарання таксама з'яўляецца штомесячны прагляд мультфільма «Бэмбі», у якім браканьеры забіваюць маці маленькага аленя.
Іншыя ўдзельнікі масавых забойстваў аленяў таксама былі арыштаваныя.
0
0
0
0
0
0
Каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера