Лукашэнка: Спахабілі ўсё гэтай расійскай авіябазай
president.gov.by
Аляксандр Лукашэнка лічыць непрадуманым піяраўскім ходам пытанне аб магчымасці стварэння ў Беларусі расійскай авіябазы, якое падымалася некаторы час таму. Пра гэта ён заявіў сёння на сустрэчы з прадстаўнікамі расійскіх СМІ, піша БелТА.
Кіраўнік дзяржавы адзначыў, што ў рамках Саюзнай дзяржавы ў Беларусі і Расіі існуе высокі ўзровень інтэграцыі, у тым ліку ў ваеннай вобласці. «У АДКБ такога няма. У нас тут зона адказнасці АДКБ у заходнім кірунку. У нас распрацаваны план на выпадак абвастрэння адносін з НАТА або, не дай бог, канфлікту ці вайны. У АДКБ з іншымі дзяржавамі гэтага няма. У нас вельмі глыбокая інтэграцыя, аж да ваеннай», — сказаў беларускі кіраўнік.
«Праўда, спахабілі ўсё гэтай базай. Нікому база не патрэбна. Слухайце, будаваць нейкую базу на старым аэрадроме (з Пуціным мы абмяркоўвалі гэтую праблему). Я задаю пытанне: навошта? 3—4 хвіліны — час падлёту самалётаў з Расіі. Навошта на перадавую, калі тут вайна пачнецца, цягнуць аэрадром? Адна ракета — узлётна-пасадачная паласа непрыдатная. Гэта быў непрадуманы піяраўскі ход — вось, мы базу тут размесцім», — заявіў Аляксандр Лукашэнка.
