Мядзведзеў: Расія гатовая стварыць адзіныя з Беларуссю эмісійны цэнтр, мытную службу, суд, падліковую палату
Расійскі прэм'ер Дзмітрый Мядзведзеў, выступаючы сёння ў Брэсце на пасяджэнні Савета міністраў Саюзнай дзяржавы, заявіў, што існуе два сцэнары для Беларусі, паведамляе прэс-служба расійскага ўрада.
Фота з фэйсбука Дзмітрыя Мядзведзева
«Адзін — кансерватыўны, пры захаванні контураў той Саюзнай дзяржавы, якую стварылі, без павышэння ўзроўню інтэграцыі да тых межаў, падкрэсліваю, якія ўстаноўлены ў дамове ад 8 снежня 1999 года, без фарміравання ўсіх інстытутаў, якія закладзены ў гэты дагавор», — заявіў Мядзведзеў.
Другі варыянт, на думку Мядзведзева, быў устаноўлены ў дамове ад 8 снежня 1999 года і прадугледжвае больш цесны ўзровень інтэграцыі.
«Хачу асабліва падкрэсліць: Расія гатовая і далей прасоўвацца па шляху будаўніцтва Саюзнай дзяржавы, уключаючы стварэнне адзінага эмісійнага цэнтра, адзінай мытнай службы, суда, падліковай палаты. У тым парадку, які прадугледжаны дагаворам аб стварэнні Саюзнай дзяржавы ад 8 снежня 1999 года»,
— заявіў расійскі прэм'ер.
