Ад 23 снежня да 7 студзеня — Калядныя ялінкі па-беларуску
Выдатны падарунак на зімовыя святы для вашых дзетак — музычныя беларускамоўныя праграмы «Калядныя ялінкі».
Расклад «Калядных ялінак»:
23, 25 снежня, 7 студзеня — для маленькіх гледачоў і іх бацькоў тэатр «Варгін» падрыхтаваў незвычайны інтэрактыўны спектакль па матывах старадаўніх беларускіх батлеечных сюжэтаў, з выкарыстоўваннем танцаў ды гульняў і, канечне ж, жывой традыцыйнай музыкі.
26, 28, 29 снежня — інтэрактыўны спектакль для дзетак ад сямейнага цэнтра «Клевер».
Тэатральная імпрэза «Куды знікла Каляда?». У незвычайнай камедыйнай форме маленькія беларусы і беларусачкі адправяцца ў казачнае падарожжа ды пазнаёмяцца з цікавымі звычаямі іншых краін. Пры канцы імпрэзы ўсіх чакае смачны пачастунак.
30 снежня, 5, 6 студзеня — гульнявая праграма «Чароўныя Калядкі» ад студыі Варгін.
Сустракайце: да вас завіталі сапраўдныя калядоўшчыкі! А з імі Каза, Мядзведзь ды іншыя персанажы традыцыйных беларускіх Каляд. Падчас выступу калектыву можна пачуць старадаўнія спевы ды музыку, узяць удзел у гульнях, патанчыць. Кожны ўдзельнік зможа зрабіць сваю асабістую калядную зорачку ды атрымаць сувенір.
«Калядныя ялінкі» па-беларуску пройдуць на пляцоўцы «Грай» (вул. Інтэрнацыянальная, 33). Збор гасцей: 12:00.
Замовіць квіткі можна па тэлефонах:
+375 25 996 93 76
+375 44 769 63 94
Таксама квіткі можна набыць анлайн або на Арт Сядзібе (Машэрава, 18).
Цана квіткоў — для дзетак 15 рублёў (за другое (і наступныя) дзіця 10 рублёў); для дарослых - 5 рублёў.
У цану квітка ўваходзіць падарунак для дзіцяці.
Працягласць мерапрыемстваў: 60—90 хвілін.
Прыходзьце і прыводзьце дзетак у святочных строях. За самыя арыгінальныя і цікавыя строі прадугледжаныя падарункі ад «Арт Сядзібы».
Падрабязная інфармацыя: +375 (25) 996-93-76;