БАТЭ сёння гуляе самы важны матч года. Гэтым разам дакладна
Гэта можа быць апошняя гульня для Аляксандра Глеба, фота fcbate.by
Сёння ў матчы апошняга туру групавога турніру Лігі Еўропы БАТЭ згуляе ў Салоніках з ПАОКам. Пачатак у 20:55 (трансляцыя на «Беларусь-5» і ў інтэрнэце).
Чэлсі — 15, БАТЭ — 6, Відзі — 6, ПАОК — 3.
Каб выйсці ў 1/16 фіналу Лігі Еўропы БАТЭ трэба перамагчы. Або згуляць унічыю, але каб венгерскі «Відзі» не здолеў перамагчы нематываваны «Чэлсі».
Пры роўнасці балаў паміж БАТЭ і «Відзі» ў наступны этап выйдзе беларускі клуб: у яго дзве перамогі ў матчах з «Відзі».
Што праўда, два месяцы таму, 4 кастрычніка, БАТЭ ў Барысаве разгромна прайграў ПАОКу з лікам 1:4. Але пасля гэтага грэкі двойчы прайгралі венграм.
Букмекеры ацэньваюць шанцы грэкаў, як 1,60 (яны бясспрэчныя фаварыты), на нічыю даюць каэфіцыент 3,60, на перамогу беларусаў — 6,50.