«Я ўся ў крыві! Ён з сякерай ірвецца ў ванную!» У судзе агучылі расшыфроўку званка ў міліцыю забітых у Бабруйску дзяўчат
У Бабруйску працягваецца суд над абвінавачаным у падвойным забойстве. На лаве падсудных — 36-гадовы беспрацоўны бабруйчанін. 20 ліпеня 2018 года ў ваннай яго кватэры знайшлі целы дзвюх дзяўчат са слядамі гвалтоўнай смерці.
Чытайце таксама:
У Бабруйску забілі дзвюх жанчын. Яны патэлефанавалі ў міліцыю, але выратаваць іх не паспелі
Падазраваны ў жорсткім забойстве дзвюх жанчын у Бабруйску — хто ён. ФОТЫ
Дзяўчат у Бабруйску забілі нажом і малатком — сталі вядомыя падрабязнасці лютага забойства
У міліцыю патэлефанавала дзяўчына і стала клікаць на дапамогу. Яна распавяла, што разам з сяброўкай зачынілася ў ванным пакоі чужой кватэры, а іх новы знаёмы спрабуе выбіць дзверы.
З размовы супрацоўнікі праваахоўных органаў зразумелі толькі тое, што дзяўчына знаходзіцца на вуліцы Лынькова і ёй пагражае небяспека.
У судзе гучаў запіс з перадсмяротнымі словамі і крыкам загінулых дзяўчат, піша bobr.by.
Голас Крысціны, дзяўчына крычыць, плача.
Крысціна: «Я не ведаю … Лынькова … знайдзіце па адрасе … заб'е!»
Дзяжурны: «Што ў вас там робіцца?»
Крысціна: «Б'е!.. Мы ў ваннай зачыніліся…»
Дзяжурны: «Які адрас?»
Крысціна: «Не ведаю, знайдзіце па тэлефоне!..»
Дзяжурны: «Вы з мабільнага тэлефануеце? Са свайго?»
Крысціна: «Так, глядзіце! Я на трубцы вішу. Ён з сякерай ірвецца ў ванную! Мы зачыніліся…»
Дзяжурны: «Як мне адрас дазнацца? З кім вы там знаходзіцеся?»
Крысціна: «Удваіх з дзяўчынкай»
Дзяжурны: «Дзяўчынка ведае адрас?»
Крысціна: «Не. Гэта яго сяброўка. Лынькова… Ён зачыніў усе дзверы, стукае сякерай».
Дзяжурны: «Як яго прозвішча?»
Крысціна: «Божа мой, ён разнясе!»
Дзяжурны: «Які дом, дзевяці-, пяціпавярховы?»
Крысціна: «Пяціпавярховы… Дзевяціпавярховы!»
Дзяжурны: «Дом гэты дзе, у пачатку, канцы, сярэдзіне Лынькова?»
Крысціна: «У сярэдзіне. Я ўся ў крыві!..»
Дзяжурны: «Ён вам прычыніў чымсьці цялесныя пашкоджанні, адкуль кроў?»
Крысціна: «Вядома! Так так!..»
Дзяжурны: «Ён вас збіў ці што?»
Трубку бярэ Алеся: «Так, слухайце, малады чалавек, ён нас сустрэў… з сякерай…»
Раптам нешта адбываецца і на аўдыязапісе можна пачуць крыкі.
Званок перарываецца.
Канец запісу.
