На вуліцах Мінска заўважаны электробус у новым дызайне ФОТА
На мінулым тыдні ў раёне Лошыцкага парку электробус «Белкамунмаш» у новым дызайне праходзіў абкатку, піша tut.by.
Фота: Дзяніс Ясюнас.
Дзяніс Ясюнас распавёў, што 7 снежня новы электробус «Белкамунмаш» праходзіў абкатку па маршруце 59эл каля Чэрвенскага рынку.
— Электробус ехаў з Лошыцы ў цэнтр Мінска па вуліцы Маякоўскага. Адзін электробус ужо ездзіў па маршруце 59эл. А гэта другі, ён быў на абкатцы, — напісаў Дзяніс.
«Белкамунмаш» паставіць для патрэб сталіцы 60 электробусаў у новым дызайне, з іх 17 — да канца 2018 года, астатнія — да мая 2019-га.
А так выглядае электробус узору 2017 года. Аляксей Суднік, TUT.BY
Адзін электробус у пераліку каштуе каля 475 тысяч даляраў. Выходзіць, што за 60 штук горад заплаціць каля 28,5 млн даляраў.
Першыя электробусы з'явіліся ў Мінску ў 2017 годзе.
