Даслаць навіну
Знайсці
11.12.2018 / 13:17 4

Паглядзіце, як мінчанка абклеіла сцены ў пакоі музычнымі дыскамі ФОТЫ

Настаўніца музыкі Таццяна Сянькова стварае з аднаго з пакояў у сваёй кватэры «музычную шкатулку». Тры сцяны ў ім ужо абклееныя сотнямі былых носьбітаў камп’ютарных гульняў, фільмаў і музыкі, і цяпер жанчына шукае па сталіцы дадатковыя дыскі, каб заклеіць імі і чацвёртую сцяну.

Павялічыць выяву

Таццяна Сянькова.

«Ідэя зрабіць калідор такім вось рамантычным з’явілася выпадкова. У доме назапасілася шмат дыскаў, неабходнасць у іх адпала (бо ўсё перапісанае на флэшкі), а выкідаць было шкада. Адна са сценак вядзе ў пакой дзіцяці, а ён у мяне музыка — так што ўсё супала. Паклеілі туды дыскі, а зверху — гітару», — расказвае Таццяна.

Павялічыць выяву

Клеілі дыскі клеем «Момант» — гэта адзінае, што іх добра трымала. Таццяна сцвярджае, што ўся сям’я, нават хатняя котка, была ў захапленні ад выніку: па-першае, выглядае незвычайна, ні ў кога больш такога яны не бачылі, а па-другое, гэтае месца ў кватэры стала светлейшым і радасным.

«Дыскі вельмі цікава праламляюць святло, а тое, што яны розных колераў, дае цікавыя блікі і робіць усё навокал незвычайным».

Хатніх запасаў дыскаў хапіла амаль на адну сцяну (каб пракласці ўсяго адзін шэраг ад падлогі да столі патрабуецца 20 круглякоў), але спыняцца на гэтым Сяньковы не збіраліся. Захацелася зрабіць такімі ж яркімі і іншыя сцены.

Павялічыць выяву

«Я кінула ва ўсе сацыяльныя сеткі кліч, на яго адгукнуліся як мае цяперашнія, так і былыя вучні. Адзін з «мецэнатаў» Аляксей, напрыклад, аддаў мне адразу вялікую «партыю» з 95 кружэлак. У аб’яве я пазначыла, што збіраю і вініл, але, відаць, для маіх знаёмых — гэта рарытэт, аніводнай пласцінкі нам так і не падарылі. Акрамя гэтага, я адсочваю аб’явы ў «Аддам дарма Мінск» — праўда, з гэтым не ўсё проста: па-першае, часта за 5-6-цю адзінкамі прыходзіцца ездзіць на іншы канец горада, па-другое, не ўсе хочуць дзяліцца дыскамі, калі дазнаюцца, што я збіраюся іх «псаваць»».

Павялічыць выяву

Праз складанасці са зборам у пакоі дома Таццяны пакуль застаецца свабоднай чацвёртая сцяна, але яна плануе давесці справу да канца да вясны ці лета і «зрабіць, нарэшце, з гэтага змрочнага закутка сапраўдную музычную шкатулку».

КК

2
хамса / адказаць
11.12.2018 / 13:42
ідэя далёёка і даўно не арыгінальная.. у Мінску год 15 таму можна было сустрэць у барах.. у выглядзе рыбінай лускі, напрыклад.. ды і гугл выдае больш цікавыя варыянты.. у тым ліку мазаіку з дыскаў
дарэчы наконт мазаікі.. шчэ ў мае школьныя гады бацькі маёй школьнай сяброўцы зрабілі ў пярэднім пакоі ўсе сцены ў вызлядзе мазаікі.. прычым матэр'ялам было люстэрка.. мноства няправільнай формы кавалачкаў.. у асноўным яны былі выкладзены хаатычна, але месцамі хаатычныя кавалачкі збягаліся ў выявы жывёл - жыраф (помню толькі яго)) і інш… зроблена гэта было вельмі акуратна і прыгожа.. сапраўдны твор мастацтва.. дужа незвычайна было бачыць такое.. асабліва ў шэраговай кватэры звычайнай панэльцы.. бо гэта было сапраўды варта палаца) і з люстэркам жа трэба абыходзіцца вельмі асцярожна (усялякія там адлюстраванні..) але там атрымалася ўсё далікатна.. наадварот, памяшканне, якое не мае вокнаў, напоўнілася сонцам і паветрам.. яны шчэ швы зрабілі беласнежнымі.. тады ж такіх матэр'ялаў, як зараз, не было (фугі).. сяброўка казала, што выкарысталі зубны парашок
2
хамса / адказаць
11.12.2018 / 14:17
дарэчы, сама неяк падумала дыскамі паклеіць.. але не ўсе сцены канечне, а невялікую частку сцяны.. але адразу адмовілася ад думкі - для бару мо і добра.. для дома - не.. напружвае
дыскамі б падляліліся.. але як раз гэтым летам (дзе ж вы раней былі?)) звезлі іх на летішца.. а зараз дачны сезон закрыты
0
tumash / адказаць
11.12.2018 / 15:53
... а выкідаць было шкада.

Першая прыкмета саўка.

Клеілі дыскі клеем «Момант» — гэта адзінае, што іх добра трымала. Таццяна сцвярджае, што ўся сям’я, нават хатняя котка, была ў захапленні ад выніку

Так, пад кафам ад "маменту" дадзеная сценка глядзіцца асабліва маляўніча!

Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31