Шуневіч: Узнікла неабходнасць абараніць маральныя каштоўнасці беларускага грамадства
Фота Сяргея Гудзіліна
Дэпутаты ў першым чытанні прынялі законапраект «Аб змяненні законаў Рэспублікі Беларусь па пытанні ўзмацнення барацьбы з прапагандай нацызму і экстрэмізму», які ўводзіць крымінальную адказнасць за рэабілітацыю нацызму. Прадстаўляў дакумент у парламенце міністр унутраных спраў Ігар Шуневіч, піша Tut.by.
— Пачатак законапраекту быў пакладзены тады, калі мы сталі сведкамі абгрунтаванага абурэння грамадзян, якія ўлетку 2016 года ехалі ў электрацягніку Мінск — Маладзечна, і перад імі красавалася сваімі фашысцкімі татуіроўкамі адна наша асоба, — распавёў Ігар Шуневіч.
Па словах міністра, што «ў сваіх пачуццях былі абураныя пасажыры, якія памятаюць пра герояў, нашых ветэранаў Вялікай Айчыннай вайны, спаленыя карнікамі вёскі».
— Гэта здарэнне стала здабыткам шырокай грамадскасці. Мы гэтага грамадзяніна хутка выявілі і прыцягнулі яго за публічную дэманстрацыю нацысцкай сімволікі.
Аднак, сказаў міністр, гэты выпадак адлюстраваў у цэлым «тэндэнцыю, якая звязана са значным ростам нацысцкіх або неанацысцкіх экстрэмісцкіх праяў»
Шуневіч расказаў, што апошнія тры гады колькасць зарэгістраваных фактаў публічнай дэманстрацыі нацысцкай сімволікі ў краіне вырасла ў 15 разоў, пры гэтым прыхільнікі нацысцкай ідэалогіі ў наступным часта здзяйсняюць злачынствы.
— У 2016 годзе за здзяйсненне хуліганства, крадзяжоў, вымагальніцтваў, рабаванняў, згвалтаванняў, выкраданні людзей, супраціў супрацоўнікам органаў унутраных спраў і іншых злачынстваў прыцягнуты да адказнасці 181 удзельнік неанацысцкіх аб'яднанняў. У 2017 годзе да крымінальнай адказнасці прыцягваўся 121 кіраўнік і актыўны ўдзельнік такіх аб'яднанняў.
Міністр сцвярджае, што расце і экстрэмісцкая актыўнасць. За апошнія тры гады колькасць зарэгістраваных у краіне фактаў распаўсюджвання экстрэмісцкай прадукцыі вырасла ў 31 раз, у 28 разоў вырасла колькасць зарэгістраваных злачынстваў, звязаных з распальваннем расавай, нацыянальнай і рэлігійнай варожасці.
— Лічу важным адзначыць, гэта гэтая з'ява і праблемы паўсталі не ў нашай краіне, гэта абумоўлена нядаўнімі падзеямі ў еўрапейскіх дзяржавах, якія ўзялі курс на падтрымку неанацысцкіх настрояў, і падаграваюць адтуль спробамі сказіць гістарычную памяць нашага народа, які перамог немцаў. У інтэрнэце распаўсюджваюцца псеўдагістарычныя публікацыі, якія скажаюць падзеі мінулага, якія апраўдваюць нацысцкіх злачынцаў і іх памагатых.
Ігар Шуневіч лічыць, што ўзнікла неабходнасць у прыняцці мер, якія дазволяць «абараніць маральныя каштоўнасці беларускага грамадства і асабліва свядомасць моладзі ад пранікаючай у рэспубліку нацысцкай, экстрэмісцкай ідэалогіі».
Законапраект прадугледжвае крымінальную адказнасць за рэабілітацыю нацызму і адміністрацыйную — за захоўванне або набыццё ў мэтах распаўсюджвання нацысцкай, экстрэмісцкай і тэрарыстычнай сімволікі і атрыбутыкі.
