Даслаць навіну
Знайсці
27.11.2018 / 10:01 5

Рыжская Дума прызнала беларуса Вячку Целеша чалавекам года за ўнёсак у адукацыю 

Павялічыць выяву

Цырымонія ўзнагароджаньня Вячкі Целеша, фота Пэтэрыса Залітыса

Сузаснавальнік Таварыства беларускай культуры «Сьвітанак» у Латвіі, кіраўнік аб’яднаньня беларусаў-мастакоў Балтыі «Маю гонар» Вячка Целеш уганараваны Думай (гарадкой радай) Рыгі, піша Радыё Свабода.

Мастак і выкладчык атрымаў прыз году ў намінацыі «За шматгадовы ўнёсак у адукацыю», узнагароду ўручыла старшыня Камітэту па адукацыі, культуры і спорту Рыскай Думы Эйжэнія Алдэрманэ.

25 верасьня Вячка Целеш адзначыў 80 год. Да юбілею была прымеркаваная пэрсанальная выстава «Гадоў датыкненьне», якая ахапіла ўвесь пэрыяд ягонай творчасьці — ад студэнцтва да сталасьці.

Целеш быў арганізатарам і дырэктарам першай беларускай школы ў Рызе, быў у Кансультацыйнай радзе пры ўсіх прэзыдэнтах Латвіі, абараняў інтарэсы беларусаў. Ягоныя высілкі адзначаныя найвышэйшай дзяржаўнай узнагароды Латвіі — ордэнам Трох Зорак.

«Я ўсё жыцьцё стаю пад нашым гістарычным сьцягам, гэта галоўнае. Я не крычу пра гэта, не размахваю рукамі; мая мэта — зьяднаць беларусаў на нацыянальным грунце. Так было заўжды. Ніхто не аспрэчыць, што я шмат рабіў і працягваю рабіць на карысьць Бацькаўшчыны», — заявіў мастак у інтэрвію Свабодзе з нагоды свайго юбілею.

Вячка Целеш нарадзіўся 25 верасьня 1938 году ў Красным Сяле (цяпер пасёлак Краснасельскі Ваўкавыскага раёну) Горадзенскага ваяводзтва. Мастак, гісторык, пісьменьнік, сябра Саюзу мастакоў Беларусі і Латвіі.

У 20-гадовым узросьце выправіўся ў Латвію, працаваў сьлесарам, вечарамі наведваў мастацкую студыю. У 1975-м скончыў жывапісна-пэдагагічнае аддзяленьне Латвійскай дзяржаўнай акадэміі мастацтваў, пазьней атрымаў ступень магістра мастацтва. Быў дацэнтам катэдры культуры і мастацтва Інстытуту мэнэджмэнту інфармацыйных сыстэмаў у Рызе.

Працуе ў розных жанрах станковага жывапісу і графікі. Аўтар партрэтаў і эксьлібрысаў беларускіх і латыскіх дзеячаў: Францішка Скарыны, Вінцэнта Дуніна-Марцінкевіча, Максіма Багдановіча, Янкі Купалы, Кастуся Езавітава, Зоські Верас, Уладзімера Караткевіча, Адама Мальдзіса, Яніса Райніса.

Адзін з самых вядомых эўрапейскіх філякартыстаў: ягоны альбом «Гарады Беларусі на старых паштоўках» на беларускай і ангельскай мовах вытрымаў некалькі перавыданьняў.

Павялічыць выяву

Чытайце: Вячка Целеш прэзентаваў «Гарады Беларусі на старых паштоўках» і кнігу-радавод для сваякоў ФОТА

0
Васіль Кот / адказаць
27.11.2018 / 15:54
Сергусь, ня тых людзей вы ў Рызе наведвалі. І вы можа не таго калібру чалавек, каб з ім сустрэцца. Яго майстэрню наведвалі і Васіль Быкаў  і Уладзімір Караткевіч і ваш пакорны слуга таксама там быў.
0
Bu-ga-ha / адказаць
27.11.2018 / 16:18
Сергусь, яно i бачна. Асаблiва па дызлайках. Ганаруся, што маю першан выданьне "Менска на старых паштоуках". Разам з творамi сп. сп. Шыбекi I Дзянiсава яна мяне даволi прасьвятлiла i узбагацiла.
0
Bu-ga-ha / адказаць
27.11.2018 / 16:22
Дарэчы, цi ведае хто пра наяунасьць на рэсурсах "Радаводу"? Хоць бы у сканах раздрукаваць...
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
люты сакавік красавік
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31