Краіну перавядуць з газу на электрычнасць
schutterstock.com
У 2019 годзе ў Беларусі будзе адзіны тарыф на электрычную энергію для насельніцтва.
Віцэ-прэм'ер Уладзімір Кухараў заявіў, што ад цяпер будаўнічы комплекс будзе накіраваны на максімальнае выкарыстанне электрычнай энергіі ў жылых дамах.
«Пасля будаўніцтва БелАЭС у нас будзе ў дастатковай колькасці айчыннай электраэнергіі. Мы бачым, што зможам даць для насельніцтва танную электраэнергію ў любых аб'ёмах», — патлумачаў ён.
Мяркуецца, што даступны кошт электраэнергіі стане галоўным стымулам для яе максімальнага выкарыстання.
«Працуем з Міністэрствам энергетыкі па тарыфах на электраэнергію, якія складуць канкурэнцыю тарыфам на ацяпленне. У бліжэйшы час прыйдзем да тарыфаў, якія будуць зніжаны для дамоў з электрычным ацяпленнем. Акрамя таго, будаўніцтва такіх дамоў дасць магчымасць значна знізіць аб'ём сродкаў, неабходных для будаўніцтва інфраструктуры», — дадаў віцэ-прэм'ер.
