Стала вядома, куды ўладкаваўся папярэдні кіраўнік БРСМ

Андрэй Белякоў. Фота Minsknews.by.

Як стала вядома «Народнай Волі», 42-гадовы Андрэй Белякоў, які ў маі пакінуў пост першага сакратара БРСМ, працуе цяпер у Рэспубліканскім інстытуце вышэйшай школы.

«Асноўная мая дзейнасць — гэта навуковая сфера», — сказаў Белякоў у інтэрв'ю Марыі Эйсмант. У РІВШ ён працуе намеснікам начальніка ўпраўлення па выхаваўчай працы з моладдзю.

Адначасова Белякоў застаецца членам Савета Рэспублікі, ён быў абраны ў 2016 ад Гомельскай вобласці. Сенатары, падкрэслівае выданне, працуюць на грамадскіх пачатках і заробку не атрымліваюць.

Белякоў кіраваў Беларускім рэспубліканскім саюзам моладзі менш за чатыры гады. На яго месца быў абраны 31-гадовы Дзмітрый Варанюк.

0

0

0

0

0

0