Знайсці
21.11.2018 / 11:068РусŁacБел

У Мінску з'явяцца газетныя павільёны з анлайн-перакладчыкамі ФОТА

Да свайго 100-годдзя РУП «Белсаюздрук» падрыхтавалі цікавую навінку: распрацавана канцэпцыя «разумны» павільён новага фармату. Больш падрабязна пра гэта «Мінск-Навінам» распавёў генеральны дырэктар прадпрыемства Ігар Дудзіч.

— Гэта мультыфункцыянальны павільён, у якім наведвальнікам ўпершыню будзе прадастаўлена магчымасць кантактаваць з прадаўцом на ўсіх без выключэння мовах свету з дапамогай анлайн-перакладчыка, — тлумачыць сп. Дудзіч. — Тут таксама можна будзе падзарадзіць электронныя гаджэты, выклікаць таксі і экстранныя службы, замовіць трансферы ў аэрапорт і за межы горада. А ў хуткай будучыні яшчэ і аплачваць камунальныя паслугі, купляць квіткі на спектаклі, канцэрты і фестывалі, выбіраць падарункавыя сертыфікаты забаўляльных цэнтраў і буйных крамаў.

Таксама да Еўрапейскіх гульняў — 2019 для замежных гасцей сталіцы ў павільёнах пачнуць функцыянаваць карысныя інтэрактыўныя памочнікі: гарадскі навігатар і электронны кансультант-перакладчык.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера