ВМС Аргенціны апублікавалі ФОТА затанулай у 2017 годзе субмарыны «Сан-Хуан»
Ваенна-марскія сілы Аргенціны апублікавалі фатаграфіі патанулай у 2017 годзе падводнай лодкі San Juan, якую знайшлі ў суботу. Аб гэтым паведамляецца ў акаўнце ў твітары ВМС краіны.
Conferencia #AraSanJuan: Una sección mayor, comprendida por el casco resistente -de acero especial de 33 mm. de espesor-, se encuentra en una sola pieza a 907 m. Es el sector habitable donde se encuentran las baterías y todos los sistemas y equipos que tiene el submarino pic.twitter.com/6WZl67Jlvg
ВМС адзначаюць, што падлодку знайшлі на глыбіні прыблізна 900 м. На гэтай фатаграфіі бачны жылы адсек, дзе знаходзяцца батарэі, усе сістэмы і абсталяванне, якое ёсць у субмарыны.
Conferencia #AraSanJuan: el Seabed Constructor arribó el 16 al Área 1/ Subárea 15a y efectuó el descenso del ROV a fin de investigar el punto de interés N°24 informado por Ocean Infinity. Se verificó que se trataba del submarino que se encuentra a aprox. 900 metros de profundidad pic.twitter.com/iiKPw6smZK
Паводле паведамлення, на гэтых фотаздымках «вызначаны іншыя часткі падводнай лодкі меншых памераў і формаў, якія супадаюць з насавой і кармавой секцыямі».
У суботу, 17 лістапада, ВМС Аргенціны абвясцілі, што выявілі падлодку San Juan ( «Сан Хуан»), якая знікла 15 лістапада 2017 года. На ёй знаходзіліся 44 маракі. Пошукава-выратавальную аперацыю праводзіла амерыканская кампанія Ocean Infinity з выкарыстаннем дыстанцыйна-кіраванага апарата.
Міністр абароны Аргентыны Оскар Агуад распавёў, што падлодка пацярпела ў выніку выбуху. 18 лістапада прэзідэнт краіны Маурысіа Макры абвясціў трохдзённую жалобу па загінулых мараках.