Знайсці
17.11.2018 / 19:4830РусŁacБел

Памёр расійскі спявак Яўгеній Осін

Яго галоўны хіт — «Плачет девушка в автомате».

Спявак Яўгеній Осін памёр ва ўзросце 54 гадоў, паведамляецца ў Telegram-канале НТВ. Вядома, што артыст памёр у сябе дома. Афіцыйна прычына смерці не раскрываецца.

У Осіна ў мінулым годзе дыягнаставалі апошнюю стадыю алкагалізму, яго адправілі на лячэнне ў адну з клінік у Тайландзе. Да гэтага часу ён практычна не мог самастойна перамяшчацца. У маі 2018-га артыст у інтэрв'ю распавядаў, што замяніў спіртное мотаспортам, аднак неўзабаве ён трапіў адразу ў дзве аварыі за тыдзень: адна адбылася на запраўцы, другі раз ён урэзаўся ў трактар.

Па дадзеных тэлеканала РЕН ТВ, артыст, імаверна, памёр ад спынення сэрца, выкліканага ўжываннем алкаголю.

Осін — савецкі і расійскі спявак, музыкант, аўтар песень. Вядомы як аўтар хітоў «А когда на море качка» і «Плачет девушка в автомате». 

Адно з самых яго вядомых выступленняў — у 1996 годзе ў Растове-на-Доне ў рамках перадвыбарнай кампаніі Барыса Ельцына, калі прэзідэнт Расіі выйшаў на сцэну і станцаваў разам з Осіным.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031