Даслаць навіну
Знайсці
16.11.2018 / 12:53 106

Беларускіх дэпутатаў выкарысталі для прасоўвання думкі, што аб'яднанне з Расіяй непазбежнае

На заклік губернатара Бранскай вобласці ў гэтым горадзе днямі праходзіць «Канферэнцыя муніцыпальных дэпутатаў з сумежных рэгіёнаў Расійскай Федэрацыі і Рэспублікі Беларусь». 

З Беларусі запрасілі толькі прадстаўнікоў лаяльных да ўлады партый, кшталту ЛДПБ і Рэспубліканскай партыі працы і справядлівасці, а таксама дэпутатаў з райсаветаў і гарсаветаў абласных гарадоў.

Праграма звыклая для падобных форумаў: абмеркаванне праблемных момантаў у гандлі, бізнэсе і гэтак далей. 

Павялічыць выяву

Фота: брянский-рабочий.рф

Але расійская прэса падае інфармацыю пра сустрэчу ў спецыфічным ключы. Так, газета «Брянскій рабочій» пад загалоўкам «У Бранску гаварылі аб імкненні да аб'яднання братніх дзяржаў» паведамляе наступнае:

«Вынікам канферэнцыі муніцыпальных дэпутатаў з сумежных рэгіёнаў Беларусі і Расіі стала рэзалюцыя. […] У ёй знайшлося месца і задачы-максімум: пераходу ад фармата свабоднага саюза дзвюх незалежных краін, які мы маем на дадзены момант, да Саюзнай дзяржавы ў адзіночным ліку, з усімі знешнімі і структурнымі атрыбутамі, уласцівымі суверэннай дзяржаве. Такім чынам, замацавана галоўная ідэя — імкненне да аб'яднання цікава і расійскаму, і беларускаму боку». 

Гэтую ж думку развівае сайт урада Бранскай вобласці, дзе цытуецца старшыня камісіі парламенцкага сходу Беларусі і Расіі, расійскі сенатар Сяргей Калашнікаў: «Канферэнцыя сведчыць, што на ўзроўні народа, на ўзроўні шараговых людзей, ёсць вялізная прага да аб'яднання ў рамках Саюзнай дзяржавы.

Яшчэ адзін важны момант — на сёння прынятая рэзалюцыя, і гэта пасыл і для нас, і для мяне як старшыні камісіі парламенцкага сходу, каб вынесці гэтыя пытанні на дзяржаўнае абмеркаванне», — сказаў Калашнікаў. 

Звяртае на сябе ўвагу і тое, што Калашнікаў робіць рэверансы ў бок асноўнага спікера і вядучага канферэнцыі — радыкальнага расійскага палітыка Сяргея Бабурына, які нядаўна ўтварыў беларуска-расійскі палітычны рух.

Павялічыць выяву

Сяргей Бабурын.

Чытайце: Арганізатар «Рускіх маршаў» стварыў у Беларусі палітычны рух: яго падтрымалі праваслаўная царква і «Румол»

Роля беларускіх гасцей у складанні рэзалюцыі была дэкаратыўная. Беларускія ўдзельнікі, да якіх мы дазваніліся, сцвярджаюць, што пунктаў аб аб'яднанні ў адну краіну там не было.

«Ніякіх такіх рэзалюцый я не падпісваў, нічога такога, — запэўніў «Нашу Ніву» старшыня Чавускага савета дэпутатаў Анатоль Мацюлін. — Там гаварылася пра тое, што трэба спрыяць развіццю адносін, паляпшаць іх, адаптаваць законы. Аб адмове ад суверэнітэту гаворкі не было».

Тое самае сцвярджае і Алег Гайдукевіч, які пасылаў дэлегатаў у Бранск ад сваёй партыі. 

«Нашыя прадстаўнікі не маглі пагадзіцца з такім тэкстам! Гэта немагчыма. Тэкст выступу ад нас узгадняўся асабіста са мной, там гаворка была пра іншае. Запрашэнне на гэтую канферэнцыю нам прыйшло ад губернатара Бранскай вобласці», — кажа Гайдукевіч. 

Васіль Задняпраны, лідар РППС, таксама сказаў нам, што такую фармулёўку вынікаў канферэнцыі бачыць першы раз. 

Такім чынам, выглядае, што беларускіх дэпутатаў звезлі ў Бранск акурат для таго, каб выкарыстаць іх прысутнасць. 

Звяртае ўвагу, што расійскія арганізатары канферэнцыі запрасілі на яе кіраўніка арганізацыі «Румол» Сяргея Лушча, хаця ён не дэпутат і не займае ў Беларусі афіцыйных пасад. 

Павялічыць выяву

Намеснік бранскага губернатара Сяргей Карабко (другі злева), Станіслаў Бышок (злева), Сяргей Бабурын (у цэнтры), Сяргей Лушч (справа). Апошнія трое — лідары палітычнага руху «Саюз», які ставіць мэтай уключэнне Беларусі ў склад Расіі. Фота: сайт урада Бранскай вобласці. 

Словы Сяргея Лушча аб «драйверах інтэграцыі» цытуюць бранскія выданні, а таксама сайт рэгіянальнага ўрада. 

Чытайце таксама: Ад неанацызму і змагання з «юда-хрысціянскай акупацыяй» да Россотруднічества: спецматэрыял пра кіраўніка «Румола» Сяргея Лушча

Арцём Гарбацэвіч

1
Антыхіпстар / адказаць
20.11.2018 / 20:19
эколог,

Малады чалавек, а гэта, раптам, не мяжа паміж Вялікім Княствам Літоўскім і Каралеўствам Польскім узору 1569 году? Якія, на хвіг, БССР і УССР?!

І асобная заўвага: цяперашнія беларусы і ўкраінцы маглі б стацца адзінай нацыяй, калі б у 1569 годе не здарылася Люблінская вунія. Але яна здарылася - і, па выніку, адна нацыя кшталтавалася ў ВКЛ, а другая - у Польшчы. Атрымаліся дзьве вельмі блізкія, але адрозныя нацыі.

 
0
Алесь-Аляксей / адказаць
23.11.2018 / 21:31
шлёма, які Прэзідэнт можа ініцыяваць гэты рэферэндум? Лукашэнка гэта рабіць не будзе, таму што ў выніку абʼяднання з Расіяй ён страціць уладу; наступны Прэзідэнт, напэўна, будзе маладзейшым, і ў яго не будзе настальгіі па СССР, таму ён хутка скончыць гульню ў саюзы. Народ таксама не адчувае настальгіі і ў большасці падтрымлівае незалежнасць.
P. S. На хамства іншага каментатара не лічу патрэбным адказваць.
0
рамблер / адказаць
24.11.2018 / 01:29
Во дают. За бюджетные деньги прокатались до Брянска и назад. А тут люди идут на самую черную работу за смешные деньги, чтобы на еду и квартплату хватило. Господи, как я их ненавижу... и их галстучки, и идиотские пиджачки, и дебильный вид. Помоги Аллах дожить до натовской оккупации. Когда народ начнет делить их коттеджики, дачи, машины и прочее, то хватит всем простым людям на год вперед...
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2017 2018 2019
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31