Мішэль Абама распавяла, што 20 гадоў таму ў яе здарыўся выкідыш і што змагла нарадзіць толькі з дапамогай ЭКА
Былая першая лэдзі ЗША Мішэль Абама ў інтэрв'ю каналу ABC распавяла пра выкідыш, які здарыўся з ёй дваццаць гадоў таму, і пра тое, як пазней звярталася да экстракарпаральнага апладнення. Пра гэта яна паведаміла напярэдадні выхаду мемуараў «Станаўленне», якія паступяць у продаж 13 лістапада.
«Я адчувала сябе так, як быццам пацярпела паразу, з-за таго, што я не ведала, што выкідышы распаўсюджаныя і ў іншых жанчын, паколькі мы ніколі не гаварылі на гэту тэму. Мы аказваемся паглынутымі нашым болем, адчуваем сябе цалкам разбітымі», — сказала Абама.
Паводле яе словаў, толькі з дапамогай ЭКА яна змагла нарадзіць дзвюх дачок: Малію, якой зараз дваццаць гадоў, і Сашу Абаму, якой гэтым летам споўнілася сямнаццаць.
Акрамя таго, у размове з журналістамі яна адзначыла, што толькі пасля 34 гадоў пачала ўсведамляць рэальнае значэнне біялагічных гадзін ва ўласным жыцці. У гэтым узросце Абама адважылася на працэдуру ЭКА. Таму яна заклікала ўсіх жанчын дзяліцца досведам і адкрыта казаць пра сваё цела.
«Вельмі важна распавядаць маладым маці пра тое, што выкідышы сапраўды здараюцца», — лічыць яна.
