Знайсці
30.12.2018 / 13:391РусŁacБел

30 снежня — дзіцячы спектакль ''Як Літара Ў Каляды уратавала'': новая версія

Моладзевы тэатр эстрады (вул.Маскоўская, 18а). Пачатак а 18.00.

30 снежня а 18.00 маленькія і дарослыя гледачы змогуць ізноў пабачыць Літару Ў і яе сяброў на сцэне Маладзёжнага тэатра эстрады ў Мінску. Гэтым разам — у новай версіі казкі «Як літара Ў уратавала Каляды».

«Пачакайце, — скажаце вы. — Летась жа была казка з дакладна такой назвай!» Так, назва засталася, але новая казка будзе істотна адрознівацца ад мінулагодняй, кажуць стваральнікі цыкла казак аб прыгодах Літары Ў Раман Арлоў і Кацярына Поцюс: «Яська і Янінка будуць, як і летась, збіраць у Чароўным Бары чароўныя літары са слова НАДЫШОЎ. Нагадаем, калі яны не будуць сабраныя — Новы Год і Каляды не прыйдуць, і зіма будзе бясконцай. Перашкаджаць дзецям будзе багіня зімы Марана, а дапаможа чароўная Літара Ў нескладовае».

Квіткі на спектакль можна набыць анлайн.

І дадатковая калядная прапанова ад арганізатараў:

у часе імпрэзы можна будзе набыць кампакт-дыск з дзевяццю песнямі з цыклу казак аб прыгодах Літары Ў.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера