Даслаць навіну
Знайсці
08.11.2018 / 22:46 24

БАТЭ паказаў выдатны футбол, але ўсё адно саступіў «Чэлсі» ВІДЭА

У чацвёртым туры Лігі Еўропы ў госці да чэмпіёна Беларусі прыехаў славуты лонданскі клуб «Чэлсі». У першай гульні ў Англіі гаспадары былі мацнейшымі з лікам 3:1, але шанцы на выхад з групы застаюцца і ў беларусаў.

Сваю атмасферу матчу ствараў туман, які густа лёг над «Барысаў-Арэнай». Напэўна, англічан не здзівіш туманам, але такі густы ўсё ж бывае не часта. У «Чэлсі» быў баявы склад, нават Азар у складзе.

Павялічыць выяву

Фота: Сяргей Гудзілін.

А яшчэ ў лонданцаў была выдатная падтрымка трыбун. Два паўнавартасныя сектары, а таксама асобныя заўзятары на цэнтральных трыбунах. Прычым складвалася ўражанне, што беларусаў сярод іх было яўна не меней за англічан.

Павялічыць выяву

Фота: Сяргей Гудзілін.

Павялічыць выяву

Фота: Сяргей Гудзілін.

Павялічыць выяву

Фота: Сяргей Гудзілін.

Зрэшты, падтрымка БАТЭ была на ўзроўні. Паўнюткі стадыён жыва рэагаваў на атакі сваіх улюбёнцаў. Падумалася, што Анатолю Капскаму спадабалася б, як гульня сваёй каманды, так і атмасфера на матчы.

Павялічыць выяву

Фота: Сяргей Гудзілін.

Ужо на пятнаццатай хвіліне Дзмітрый Бага, брат галоўнага трэнера, без комплексаў ударыў здалёк па варотах «Чэлсі», але штанга ўратавала. Аляксандр Глеб у свае 37 гадоў вазіў супернікаў, як у найлепшыя гады часоў «Арсенала». Тады «арыстакратам» таксама даставалася ад Глеба.

Павялічыць выяву

Фота: Сяргей Гудзілін.

Увогуле не скажаш, што «Чэлсі» стварыў нешта выбуховае ля варот БАТЭ ў першым тайме. Было шмат пазіцыйных атак, але абарона барысаўцаў спакойна спраўлялася з патэнцыйнай небяспекай.

Павялічыць выяву

Фота: Сяргей Гудзілін.

Павялічыць выяву

Фота: Сяргей Гудзілін.

А вось другі тайм пачалася вельмі скрушна. На 52-ой хвіліне Эмерсан навесіў з фланга, Волкаў не ўсачыў за Жыру і француз галавой удала трапіў у блізкі кут варот Шчарбіцкага — 0:1.

Павялічыць выяву

Фота: Сяргей Гудзілін.

Потым Жыру мог забіваць яшчэ раз, біў зноў галавой, але Шчарбіцкі выцягнуў мяч з-пад перакладзіны. Было эфектна.

Павялічыць выяву

Фота: Сяргей Гудзілін.

Свае моманты ў другім тайме БАТЭ меў. Невядома, якія футбольныя багі разгневаліся на Сігневіча, калі ён нібы клюшку падстаўляў нагу пасля ўдару Драгуна, але мяч неймаверным чынам трапіў у бэльку.

Павялічыць выяву

Фота: Сяргей Гудзілін.

А потым Аляксей Рыас расстрэльваў вароты з забойнай пазіцыі. І зноў жа — па нейкім магічным збегу абставін мяч размінуўся з брамай.

Павялічыць выяву

Фота: Сяргей Гудзілін.

БАТЭ атакаваў і потым. «Чэлсі» нават цягнуў час і крыху гуляў на адбой. На жаль, БАТЭ так і не змог скарыстаць свае шматлікія моманты. За гульню не сорамна, а вось вынік мог быць і іншым. А так — 1:0 на карысць англійскага клуба.

Трыбуны праводзілі БАТЭ крыкамі «Малайцы».

У другім матчы нашай групы венгерскі «Відзі» перамог з лікам 1:0 грэцкі ПАОК.

Цяпер «Чэлсі» мае 12 пунктаў, «Відзі» — 6, БАТЭ і ПАОК — па 3. У барысаўцаў застаецца хатні матч з «Відзі» і гасцявы з ПАОКам.

Зміцер Панкавец, фоты: Сяргей Гудзілін

6
Мярсі ў баку / адказаць
09.11.2018 / 11:49
Валерык, глядзелі. Разумеем не меней за ваша 
3
Вектор / адказаць
09.11.2018 / 13:26
Эта новость волнует всех беларусов. 
2
z / адказаць
09.11.2018 / 14:00
Выдатны футбол. Крыху не пашанцавала БАТЭ, нічыёй заслугоўвалі 200%.


Крыху ??? Не пашансавала ?? Уважаемый, если перечислить сколько раз не шансавала Челси, то следуя вашей логике счет был бы где-то в районе 4:2 в пользу челси.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2017 2018 2019
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30