Знайсці
05.11.2018 / 15:177РусŁacБел

Першы намеснік кіраўніка МЗС: Да піка нашага тавараабароту нам трэба дабраць амаль 30 мільярдаў даляраў

Фота Сяргея Гудзіліна

Тэндэнцыя павелічэння колькасці гандлёвых канфліктаў, якая сёння існуе ў свеце, нясе вялікую пагрозу, у тым ліку і для Беларусі. Пра гэта на Шостым міжнародным Кастрычніцкім эканамічным форуме (KEF) «Беларусь у дзівосным новым свеце» заявіў першы намеснік міністра замежных спраў Андрэй Еўдачэнка, піша Tut.by.

— Апошнія гандлёвыя канфлікты патэнцыйна ўжо сёння нясуць вялікую пагрозу. У Беларусі мы ўжо атрымалі пошліны на ўвоз сталі і алюмінію ў ЗША для нашага металургічнага завода. На апошняй штогадовай канферэнцыі МВФ і Сусветнага банка агучваліся рэальныя лічбы, што ў другім квартале гэтага года рост гандлю скараціўся да нуля адсоткаў, грузавыя і авія перавозкі скараціліся ў два-тры разы ў параўнанні з мінулым годам. Думаю, да канца гэтага года будзем мець яшчэ горшую статыстыку, — заявіў Андрэй Еўдачэнка.

Намеснік міністра таксама падкрэсліў, што такая тэндэнцыя для Беларусі вельмі дрэнная, бо сёння, пасля кароткай дыстанцыі аднаўлення, краіна павінна ўтрымаць дынаміку росту аб'ёму тавараабароту.

— Піка нашага гандлю мы дасягнулі ў 2012 годзе, калі аб'ём тавараабароту складаў 92,5 млрд даляраў. Пасля гэтага мы чатыры гады падалі, і наш аб'ём гандлю скараціўся на 45%, а беларускі экспарт упаў на 49%. І толькі ў канцы 2016 года, дзякуючы аднаўленню сусветнай эканомікі, мы пачалі прырастаць. У 2017 годзе мы дадалі 24%, а за дзевяць месяцаў 2018 года ў нас плюс 18,2% у экспарце тавараў. Мы прайшлі вельмі кароткую дыстанцыю аднаўлення, у гэты перыяд было б, вядома, вельмі непажадана зніжаць гэтую дынаміку. Нам яшчэ трэба дабраць амаль 30 млрд даляраў да ўзроўню 2012 года, - сказаў Еўдачэнка.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера