Знайсці
05.11.2018 / 14:1710РусŁacБел

Падазраванага ў збіцці мінскага маршрутчыка адпусцілі пад абавязацельства аб яўцы да следчага

Расіянін, які праходзіць у якасці падазраванага па справе аб збіцці кіроўцы маршрутнага таксі ў Мінску, цяпер знаходзіцца па месцы жыхарства, паведаміла «Мінск-Навінам» афіцыйны прадстаўнік Следчага камітэта Юлія Ганчарова.

— Ён застаецца ў статусе падазраванага. Да яго ўжытая мера працэсуальнага прымусу — абавязацельства аб яўцы. Расследаванне працягваецца, - адзначыла Ю. Ганчарова.

Другі расіянін, які падазраецца ў тым, што зламаў кіроўцу сківіцу, раней быў змешчаны пад варту. Яму прад'яўлена абвінавачванне па ч. 2 арт. 339 Крымінальнага кодэкса Рэспублікі Беларусь. За хуліганства, здзейсненае групай асоб, яму пагражае да 6 гадоў пазбаўлення волі.

Нагадаем, інцыдэнт, у выніку якога пацярпеў кіроўца маршрутнага таксі, адбыўся 24 кастрычніка на вул. Арлоўскай. Двое мужчын на аўтамабілі Hyundai Santa Fe і Mercedes заблякавалі ў першай паласе маршрутку № 1077. Затым адзін з іх утрымліваў маршрутчыка, а другі нанёс яму ўдар па твары з-за таго, што той нібыта залез не ў сваю паласу.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера