Даслаць навіну
Знайсці
05.11.2018 / 13:31 32

Першы віцэ-прэм'ер Турчын: У нас няма жадання раскулачваць бізнэс

Павялічыць выяву

Фота Сяргея Гудзіліна

Адсутнасць сюрпрызаў — найлепшае, што можа прапанаваць дзяржава бізнэсу, заявіў 5 лістапада першы віцэ-прэм'ер Беларусі Аляксандр Турчын, адкрываючы Шосты міжнародны Кастрычніцкі эканамічны форум (KEF) «Беларусь у дзівосным новым свеце».

«У Беларусі магчымая эвалюцыя без рэвалюцый, — падкрэсліў Турчын. — Найлепшы курс — прадказальны. Для бізнэсу няма нічога лепшага за стабільнасць».

Удакладненне: у ранейшай версіі матэрыяла словы чыноўніка былі працытаваныя як «рэвалюцыя без рэвалюцый».

«Не трэба стратэгічных інавацый — трэба рэалізаваць тое, што прынята», — працягваў віцэ-прэм'ер.

Ён нагадаў, што пакуль ёсць уяўленне аб тым, што ў краіне квітнеюць масавыя затрыманні прадпрымальнікаў, і гэта трэба пераламаць.

Турчын адзначыў, што частка крокаў насустрач бізнэсу дзяржавай ужо зроблена. «Самы яскравы прыклад — дэкрэт №8, у найбліжэйшы час выйдзем на адмену сумнавядомага 488 указа, рыхтуецца яшчэ шэраг крокаў па дэкрыміналізацыі бізнэс-рашэнняў», — адзначыў віцэ-прэм'ер.

«У нас няма жадання караць і раскулачваць бізнэс», — запэўніў Турчын.

Ён прызнаў, што сілавікі сёння дзейнічаюць па існуючых правілах. І гэтыя правілы трэба памяняць, калі мы хочам зменаў у краіне.

Турчын нагадаў, што Беларусь зрабіла стаўку на пабудову ІТ-краіны. Дэкрэт № 8 стаў адным з прарыўных прававых актаў, што стала відавочна амаль адразу — у пачатку 2017 года быў заяўлены такі курс і ўжо да канца 2017 года з'явіліся першыя вынікі. Тэмпы ірванулі ўверх, плюс 40% па экспарце ў першым паўгоддзі. Па экспарце на душу насельніцтву Беларусь пераўзыходзяць ЗША, колькасць рэзідэнтаў за паўгода вырасла больш чым за ўвесь папярэдні перыяд, адзначыў ён.

Tut.by

0
беларуска / адказаць
06.11.2018 / 17:05
ужо знішчалі каго хацелі, а зараз развялі гульню ў дэмакратыю
0
Илля / адказаць
06.11.2018 / 17:15
навошта раскулачваць кали можна прысаваць
0
Valadzimir / адказаць
06.11.2018 / 18:37
Як можна зразумець, чарговыя перадвыбарныя абяцанкі-цацанкі для дурняў "страны бульбаша - БелоРаши", якіх ужо няма.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2017 2018 2019
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30