Пуцін хоча вярнуць расійскай ваеннай выведцы савецкую назву ГРУ
Уладзімір Пуцін прапанаваў вярнуць расійскай ваеннай выведцы назву ГРУ — Галоўнае разведвальнае ўпраўленне Генштаба УС РФ, піша РІА Навіны.
«Незразумела, куды знікла слова «разведвальнае»- Галоўнае разведвальнае ўпраўленне, трэба было б аднавіць», - заявіў Пуцін пад апладысменты, віншуючы ветэранаў і супрацоўнікаў службы з надыходзячым стагоддзем утварэння ваеннай выведкі.
Галоўнае ўпраўленне Генеральнага штаба УС РФ было створана ў 2010 годзе, пасля перайменавання Галоўнага разведвальнага ўпраўлення Генштаба. Кіраўнік ведамства - генерал-палкоўнік Ігар Корабаў.
ГРУ, як і КГБ, было злавесным сімвалам спецслужбаў савецкай імперыі. Гісторыю ГРУ і яго асноўныя заняткі апісаў у рамане «Акварыум» пісьменнік Віктар Сувораў, былы супрацоўнік гэтай спецслужбы.
