Бясплатная экскурсія з Віктарам Жыбулем «Менскімі вуліцамі рэпрэсаваных паэтаў» — 27 кастрычніка
Галоўныя аб'екты маршруту экскурсіі:
— месца, дзе стаяў будынак, у якім 1920 — пачатку 1930-х знаходзіліся рэдакцыі галоўных літаратурных часопісаў рэспублікі, дзе працавалі і перыядычна збіраліся пісьменнікі (Бядуля, Глебка, Кляшторны, Калюга, Крапіва, Чорны, Лужанін, Пушча, Мрый, Хведаровіч, Чарот і іншыя);
— будынак Наркамата асветы і Інбелкульта, дзе зараз знаходзіцца помнік Максіму Гарэцкаму, да якога пры жаданні можна будзе ўскласці кветкі;
— дом, у якім жыў дзяржаўны дзеяч, наркамасветы Антон Баліцкі, расстраляны як нацдэм;
— яшчэ адзін дом Інбелкульта, дзе праходзіў Першы з'езд літаратурнага аб'яднання «Маладняк», шмат з удзельнікаў якога былі пазней рэпрэсаваныя, у т. л. расстраляныя ў ноч з 29-га на 30-е кастрычніка 1937 г. Анатоль Вольны, Алесь Дудар, Міхась Зарэцкі, Тодар Кляшторны, Юрка Лявонны, Міхась Чарот;
— дом, у якім жыў драматург, тэатральны крытык і паэт Васіль Шашалевіч.
Іншыя літаратурныя месцы Менску 1920-30-х
Сустрэча ў 12:00 ля ўваходу ў кнігарню «Цэнтральная» (пр. Незалежнасці, 19)
Экскурсія бясплатная, але просім зарэгістравацца ў гэтай гугл-форме!