Магілёвец скраў ровар і паехаў на ім у грыбы. А калі яго знайшла міліцыя — адмовіўся з яго злазіць

У міліцыю звярнулася 32-гадовая магіляўчанка і папрасіла знайсці ровар, які знік каля пад'езда яе дома.

Супрацоўнікі аддзела крымінальнага вышуку высветлілі, што транспартны сродак пакаціў 35-гадовы беспрацоўны магілёвец, якога раней ужо судзілі за крадзяжы.

На чужым ровары ён адправіўся ў грыбы. Калі праваахоўнікі яго знайшлі, доўга аднекваўся, сцвярджаючы, што гэта яго транспартны сродак, катэгарычна адмаўляючыся злазіць.

Матэрыял перададзены ў Магілёўскі міжраённы аддзел СК для прыняцця рашэння аб распачынанні крымінальнай справы за крадзеж.

mogilevnews.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0