Халеп знялася з выніковага турніру, замест яе згуляе Бертэнс. Сабаленка — першая запасная

Першая ракетка свету румынка Сімона Халеп знялася з выніковага турніру WTA ў Сінгапуры. Прычынай стала траўма спіны, якую яна атрымала ва Ухані. Пасля спробы згуляць у Пекіне дактары выявілі ў яе міжпазваночную грыжу.

«Спіна баліць. Я не трэніравалася апошні чатыры тыдні і не гатовая гуляць на такім узроўні», - заявіла Халеп.

Замест румынкі ў Сінгапуры, дзе будзе гуляць восем наймацнейшых тэнісістак свету, згуляе галандка Кікі Бертэнс. Для яе гэта будзе дэбют на выніковым турніры.

Першай запасной на дадзены момант з'яўляецца беларуска Арына Сабаленка. Аднак яе ў рэйтынгу яшчэ могуць абыйсці Анастасія Севаставай (Латвія) і Дар'я Касаткіна (Расія).

By.tribuna.com

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0