Напад на каледж у Керчы ўчыніў яго студэнт. Ён скончыў жыццё самагубствам
Выбух у політэхнічным каледжы Керчы зладзіў 22-гадовы студэнт гэтай навучальнай установы, заявіў кіраўнік Крыма Сяргей Аксёнаў, паведамляе «Інтэрфакс».
«Патэнцыйны забойца застрэліўся, пакончыў з сабой. Гэта студэнт чацвёртага курса гэтай жа навучальнай установы. Цела забойцы знойдзены ў бібліятэцы на другім паверсе», - сказаў Аксёнаў.
Раней крыніца РБК ў МУС паведаміла, што ў арганізацыі выбуху падазраюць вучня каледжа. Навучэнцы распавялі, што незадоўга да выбуху адзін вучань пакінуў у сталовай заплечнік. Таксама яны паведамілі, што чулі ад гэтага маладога чалавека аб эксперыментах з выбухоўкай.
Імя падазраванага афіцыйна не паведамляецца. Телеграм-канал 112 сцвярджае, што выбух зладзіў Уладзіслаў Раслякоў, які паступіў у каледж у 2015 годзе.
Масавае забойства ў крымскай Керчы: студэнт застрэліў 17 чалавек у каледжы
