У Латвіі хочуць увесці «сухі закон»: пасля 19 гадзін і па нядзелях алкаголь не прадаваць
Дэпартамент дабрабыту Рыжскай думы і дэпартамент культуры, спорту і адукацыі прапануюць дазволіць продаж алкаголю ў крамах толькі з 10 да 19 гадзін, перадае Rus.Tvnet.
Прапанова перададзена на разгляд у Камітэт бяспекі, парадку і прадухілення карупцыі Рыжскай думы. Дакумент разгледзяць 18 кастрычніка.
Аўтары прапановы паказалі, што ідэя заключаецца ў скарачэнні гандлю алкаголем. Такім чынам, рэкамендуецца ўстанавіць забарону на продаж алкаголю з 19:00 да 10:00.
А па нядзелях і зусім забараніць продаж спіртных напояў і ў некалькі разоў павялічыць плату за ліцэнзіі для кафэ, дзе алкаголь прадаецца ноччу.
У цяперашні час згодна з Законам аб абароце алкагольных напояў рознічны продаж алкаголю забаронены з 22 да 8 гадзін, акрамя месцаў, дзе алкаголь прадаецца на разліў і спажываецца на месцы, і крам безнаяўнага гандлю.
