У Асанжа могуць забраць ката, калі ён не стане прыбіраць за жывёлай ФОТА
Фота з уласнага твітара ката
Сузаснавальнік WikiLeaks Джуліян Асанж атрымаў спіс правілаў пражывання ў пасольстве Эквадора ў Лондане (на тэрыторыі пасольства ён жыве ад 2012 года). Сярод прадпісанняў — прыбіраць за сабой ванны пакой і лепш глядзець ката.
Калі Асанж не прыслухаецца да рэкамендацый, ката могуць забраць і змясціць у прытулак.
У прыватнасці, сузаснавальніка WikiLeaks папрасілі сачыць за «дабрабытам, харчаваннем і гігіенай» ката.
Эквадорскае пасольства таксама згадзілася часткова аднавіць Асанжу інтэрнэт, які ў яго забралі ў сакавіку пасля «ўмяшання ў справы іншых краін».
Кот часта глядзіць з акна на журналістаў, фота shutterstock.com
Кот, якога Асанжу падарылі яго дзеці, часта з акна пасольства назірае за журналістамі, якія збіраюцца звонку.
У ката нават ёсць свой акаўнт у «Твітары». Няясна, што менавіта ў адносінах Асанжа з катом не задавальняла Эквадор.
Police counterpurrveillance alert!
Crossed arms
black mittens
no match
for
this kitten @wikileaks#dnc#assangepic.twitter.com/pnB5NGcIAA
