У катастрофе Су-27 ва Украіне загінуў амерыканскі пілот
Да інцыдэнту з самалётам Су-27 быў прыцягнуты вайсковец ЗША.
Пра гэта гаворыцца ў паведамленні камандавання Ваенна-паветраных сілаў ЗША ў Еўропе і Афрыцы, перадае «Інтэрфакс-Украіна».
«Мы бачылі паведамленні, у якіх гаварылася пра ахвяру з ЗША, і можам пацвердзіць, што ў інцыдэнт быў уцягнуты амерыканскі вайсковец», - гаворыцца ў паведамленні.
Камандаванне паведамляе, што ў цяперашні час праводзіцца расследаванне інцыдэнту, і абяцае даць дадатковую інфармацыю па меры яе паступлення.
У той жа час яно не кажа, якая менавіта роля амерыканца ў гэтай трагедыі, не ўдакладняецца і яго лёс.
Як паведамлялася, у аўторак каля 17:00 у Вінніцкай вобласці ў ходзе выканання вучэбна-баявога палёту ўпаў ваенны самалёт Су-27.
Пазней стала вядома, што выратавальнікі знайшлі целы двух пілотаў.
Вайсковая пракуратура Цэнтральнага рэгіёна паведаміла, што адзін з іх — вайсковец ВПС Нацгвардыі ЗША.
Зараз у Вінніцкай вобласці праходзяць шматнацыянальныя вучэнні «Чыстае неба - 2018».