Лукашэнка: Нам ужо эксперыментаваць няма чаго
Пра гэта Аляксандр Лукашэнка заявіў сёння на сустрэчы з прэм'ер-міністрам Сяргеем Румасам.
Сяргей Румас праінфармаваў кіраўніка дзяржавы аб праграме дзейнасці ўрада на наступныя два гады. Яе палажэнні заснаваныя на рашэннях V Усебеларускага народнага сходу і даручэннях кіраўніка дзяржавы, дадзеных у час Паслання беларускаму народу і Нацыянальнага сходу.
Аляксандр Лукашэнка паведаміў, што ўважліва азнаёміўся з усімі матэрыяламі, і падкрэсліў, што праграма сацыяльна-эканамічнага развіцця краіны, прынятая ў 2016 годзе, непахісная, яна павінна быць выканана.
«У адваротным выпадку з чым мы прыйдзем да народа? У рамках гэтай праграмы — калі ласка, любыя мерапрыемствы ўрада. Я буду толькі вітаць. Галоўнае, каб быў вынік. Усе мерапрыемствы павінны быць вывераныя, мы людзі дасведчаныя, нам ужо эксперыментаваць няма чаго. Наўрад ці знойдуцца пытанні для нейкіх эксперыментаў», - адзначыў ён.
Ён звярнуў увагу, што не пярэчыць супраць прапаноў, якія уносіў яшчэ папярэдні ўрад, аб стварэнні на некаторых прадпрыемствах назіральных радаў. «Але будзе вельмі сур'ёзны кантроль і за дзейнасцю ўрада па рэалізацыі гэтых прапаноў, і асабліва за тымі старшынямі, якія будуць прызначаныя на гэтыя пасады. Калі ласка — любыя мерапрыемствы, але трэба памятаць пра тое, што асноўную праграму, нашы абяцанні народу мы павінны выканаць», — сказаў кіраўнік дзяржавы.
