Даслаць навіну
Знайсці
16.10.2018 / 11:24 8

Рашэння пра тое, як замежнікі могуць перасякаць мяжу Беларусі і Расіі, не знойдзена

Павялічыць выяву

Рашэння аб тым, як замежнікі могуць перасякаць мяжу Беларусі і Расіі, так і не знойдзена. Пра гэта на пасяджэнні парламента распавёў спікер Уладзімір Андрэйчанка, піша Tut.by.

Дэпутаты ў аўторак у першым чытанні прынялі змены ў законы, якія спрашчаюць уезд замежнікаў у прыгранічную зону Беларусі. Новаўвядзенні ў парламенце прадстаўляў старшыня Дзяржпагранкамітэта Анатоль Лапо.

Калі змены ў законы запрацуюць, замежнікі змогуць без пропускаў праязджаць на адпачынак у санаторыі і турыстычныя базы праз памежную зону. Таксама ўязджаць у зону і грамадзяне Беларусі, і замежнікі змогуць не толькі па пашпарце, пасведчанні на праважыхарства і пасведчанні аб нараджэнні (для непаўналетніх), але і па іншых дакументах. Акрамя таго, адмяняецца дзяржпошліна за ўезд, часовае знаходжанне і перамяшчэнне на працягу года ў памежнай зоне і ўводзіцца пошліна за выдачу пропускаў у памежную паласу.

Падчас абмеркавання ў парламенце дэпутат Валерый Варанецкі пацікавіўся, як вырашаецца праблема перасячэння беларуска-расійскай мяжы замежнікамі. Нагадаем, расіяне не прапускаюць грамадзян трэціх краін, якія едуць з Беларусі на машыне, аўтобусе ці цягніку.

— Пакуль што будзе так, грамадзяне трэціх краін разварочваюцца (на беларуска-расійскай мяжы), нашы калегі настойваюць на тым, каб грамадзяне трэціх краін рухаліся праз міжнародныя пункты пропуску, — распавёў Анатоль Лапо.

— Гэта наносіць шкоду турыстычнай прывабнасці Беларусі, — заўважыў Варанецкі.

— Я такога ж меркавання, мы са свайго боку ўсё робім, але так атрымліваецца, — канстатаваў старшыня ДПК.

— МЗС займаецца гэтым пытаннем, вы ведаеце. Але некалькі колаў пройдзена, і рашэнне не знойдзена, — дадаў спікер парламента Уладзімір Андрэйчанка.

TUT.BY пацікавіўся ў кіраўніка ДПК, чаму нельга паставіць на беларуска-расійскай мяжы хаця б адзін міжнародны пункт пропуску.

— Мы не лічым, што ёсць у гэтым неабходнасць, і ставіць з беларускага боку не збіраемся.

Ён пагадзіўся з тым, што ёсць нязручнасць для замежнікаў.

— Мы свае дамоўленасці выконваем, але там іншая дзяржава, яны гаспадары сваёй зямлі, — дадаў Анатоль Лапо.

0
Дзядзька / адказаць
16.10.2018 / 16:32
Рашэнне ёсць: аднавіць мяжу!
0
Ladzimir / адказаць
16.10.2018 / 17:33
Вырашэнне вельмі простае! Аднаввіць мяжу!
Гэта пойдзе на карысць і Расіі і Беларусі!
Проста вельмі рана мы адмянілі мяжу з Расіяй! Гэта краіна не велмі цывілізаваная. Часта робіць такія захады, што нармальнаму чалавеку іх растлумачыць немагчыма. Прыдзе час, калі мяжа на самой справе не будзе патрэбна. Але для гэтага патрэбен час!
0
Olka / адказаць
16.10.2018 / 20:14
При этом рф навязывает нам список лиц, которые не въездные в рф и поэтому не смогут и в Беларусь попасть. Всё делают для того, чтобы мы теряли деньги и имидж. Пришло уже время и нам делать ответные ходы, чтобы меньше наглела рф.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2017 2018 2019
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30