Даслаць навіну
Знайсці
13.10.2018 / 16:18 180

Патрыярх Кірыл прыляцеў у Беларусь, каб адсюль пагражаць украінскаму праваслаўю

13 кастрычніка а 16-й у Мінск прыляцеў патрыярх Маскоўскі Кірыл.

Кіраўнік Рускай праваслаўнай царквы мае ўзяць удзел у пасяджэнні Сіноду РПЦ, якое пройдзе 15 кастрычніка ў сталіцы Беларусі.

У аэрапорце Кірыла сустракалі старшыня Камітэта па справах рэлігіяў і нацыянальнасцяў Леанід Гуляка, пасол Расіі ў Беларусі Міхаіл Бабіч, мітрапаліт Мінскі і Заслаўскі Павел. 

У кароткім слове па прылёце патрыярх блаславіў беларускую зямлю і адзначыў, што падчас Сіноду неабходна будзе адрэагаваць на сітуацыю ва Украіне.

«Спадзяюся, што праваслаўная царква знойдзе ў сабе сілы пераадолець тыя крызісныя з'явы, якія існуюць, захаваць сваё адзінства», — адзначыў ён.

У суботу ўвечары патрыярх Кірыл узначаліць богаслужэнне ў Свята-Духавым кафедральным саборы Мінска а 18-й.

«Адказ Сінода Рускай праваслаўнай царквы па рашэннях Канстанцінопальскага патрыярхату адносна Украіны будзе адэкватным і жорсткім».

Пра гэта сказаў у суботу журналістам прэс-сакратар патрыярха Маскоўскага і ўсяе Русі Кірыла святар Аляксандр Волкаў з нагоды візіту кіраўніка РПЦ у Беларусь, паведамляе tass.ru.

Разам з тым Волкаў не змог сказаць, якія канкрэтныя рашэнні будуць прынятыя.

«Сінод выкажа недвухсэнсоўную пазіцыю адносна тых рашэнняў, якія былі прынятыя ў Стамбуле», — сказаў ён.

Прэс-сакратар патрыярха Маскоўскага і ўсяе Русі дадаў, што Украінская праваслаўная царква з'яўляецца адзінай кананічна прызнанай і працягне сваё служэнне.

На пасяджэнні Сінода 9—11 кастрычніка Канстанцінопальскі патрыярхат «пацвердзіў рашэнне аб тым, што пачынае прадастаўленне аўтакефаліі Царкве Украіны і адмяняе рашэнне 1686 года аб пераходзе Кіеўскай мітраполіі пад юрысдыкцыю Маскоўскага патрыярхату».

Таксама было прынята рашэнне зняць анафему з кіраўнікоў дзвюх некананічных цэркваў на Украіне — Філарэта з Кіеўскага патрыярхату і Макарыя з Украінскай аўтакефальнай царквы. Было абвешчана аб жаданні вярнуць Кіеўскую мітраполію пад юрысдыкцыю Сусветнага патрыярхату.

АЯ, фота аўтара

1
микола / адказаць
14.10.2018 / 22:26
Павлик  на  контрабанде  сигарет  и  алкоголя  круто  поднялся,  автомобили  высший  класс.  
1
Октавио Пас / адказаць
15.10.2018 / 07:45
когда религия сливается с политикой -- это страшная и опасная гремучая смесь...
1
Октавио Пас / адказаць
15.10.2018 / 09:21
Дима, они делят бабло. сердобольных бабулек. а ещё они пилят сук, на котором сидят. Авторитет церкви и так ниже плинтуса, а будет и еще ниже, судя по всему... 
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2017 2018 2019
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30