Даслаць навіну
Знайсці
06.10.2018 / 18:50 36

Цыганкоў пра закон аб гвалце: Феміністкі не захацелі параіцца з рэлігійнымі «цемрашаламі»

Некалькі развагаў пра грамадскую дыскусію вакол законапраекта аб хатнім гвалце прывёў у сябе ў фэйсбуку Віталь Цыганкоў.

1. Абставіны абмеркавання даволі красамоўна характарызуюць удзельнікаў гэтага працэсу. Я пагаджуся з Віталём Рымашэўскім, які ў інтэрв’ю на Свабодзе заявіў, што «ў скандальным правале канцэпцыі віна ня толькі ўраду, але і распрацоўшчыкаў закону». З таго, што пра гэта вядома, мне сітуацыя бачыцца так — прафемінісцкія арганізацыі, якія даўно працавалі з МУС наконт гэтага закону, вырашылі, што прыняць яго ў варыянце, які ім падаецца правільным, магчыма толькі ў тым выпадку, калі не запрашаць у адпаведныя групы усялякіх «цемрашалаў» з рэлігійных арганізацыяй, якія таксама гадамі займаюцца гэтай тэмай.

Гэта той самы грэх, у якім (небеспадстаўна) абвінавачваюць постсавецкіх «дэмакратаў», якія хочуць прымаць нейкія паляпшэння для народу — але без уліку меркавання таго самога народу, які «цёмны, патрыярхальны і нічога не разумее». «Дыялог, саступкі, згода?» — не, ня чулі. Мы самі ведаем, як правільна». Натуральна, што «цемрашалы» абурыліся і пагналі хвалю. У выніку ўся гэта сітуацыя кажа шмат пра тое, як некаторыя прагрэсіўныя колы ставяцца да «шырокіх народных масаў», якіх трэба ашчаслівіць, але пажадана, без іхняга ўдзелу.

2. Стаўленне да «крывавага рэжыму» ў выглядзе МУС. Памятаеце, калі ня так даўно МУС выдаў заяву, што «яны не пройдуць» (пра геяў) — колькі злобных і знішчальных словаў і эпітэтаў на адрас МУС выдалі ўсе мы, а асабліва людзі, якім неабыякава гендарная тэматыка. А тут раптам аказваецца, што МУС ужо ня такі і кепскі, і з ім нават можна сядзець за адным сталом, уваходзіць у адну Раду і выпрацоўваць законы. Я ж не адмаўляю, што дзеля добрай справы часам можна супрацоўнічаць хоць з д’яблам («плюнь да поцелуй у злод… (тьфу!) поцелуй у него ручку»— «Капітанская дочка»), але пры гэтым ня абавязкова маляваць яму ружовыя крылцы.

Калі я лічу, што ў нас рэпрэсіўная дзяржава, а праваахоўныя органы ў сваёй практыцы часта дзейнічаюць незаконнымі і антыправавымі метадамі — то адпаведна, любое заканадаўчае павелічэнне правоў гэтых рэпрэсіўных органаў я буду ўспрымаць асцярожна і з недаверам. Гэта лагічна. А калі сёння вы крычыце, што МУС — апалагет рэпрэсіўнасці і патрыярхальнасці, а заўтра разам з ім распрацоўваеце прагрэсіўны закон — гэта (я падбіраю мяккія словы) не вельмі паслядоўна.

3. Б’юць, б’юць, б’юць. Гітлер, Гітлер, Гітлер. Прыблізна так выглядаў фон дыскусіі. Ну, можа, Гітлера і не было, але ў цэлым працаваў добра вядомы прынцып — пабольш карцінаў збіцця, пабольш эмоцыяў, паменш мазгоў. Усіх тых людзей, якія выказвалі нейкія сумневы, спрабавалі хоць неяк абмеркаваць тыя ці іншыя палажэнні закону, нават, не выступаючы супраць яго прыняцця, казалі, што варта змяніць некаторыя накірункі, — усіх запісвалі ў прыхільнікі гвалту.

Спадарыня Альхоўка ўвогуле заявіла, што тыя, хто пісаў лісты супраць закону, цяпер будуць адказныя за ўсе злачынствы і забойствы, якія будуць адбывацца ў сям’і. Я б сказаў, што гэта маніпулятыўная заява, але думаю, што варта ўжыць больш моцныя эпітэты. Гэта проста глупа і нізка. Глупа, бо рашэньне прымае Лукашэнка і ніякія падпісанты тут ні пры чым. Нізка абвінавачваць сваіх ідэйных апанентаў, якія таксама хочуць зменшыць гвалт у сям’і, проста бачаць тут іншыя спосабы. Паводле такой жа логікі можна заявіць, што ўсе людзі, якія выступаюць супраць смяротнага пакарання, — хочуць, каб у нас было больш злачынстваў. І калі у нас адменяць смяротнае пакаранне, менавіта яны будуць вінаватыя ў кожным забойстве ў краіне?

Чытайце таксама:

«Дурасць, узятая з Захаду». Лукашэнка жорстка раскрытыкаваў законапраект аб супрацьдзеянні хатняму гвалту

Рэмень часам карысны, Віця часта атрымліваў ад мяне

Чытайце таксама храналогію развіцця падзей, звязаных з абмеркаваннем законапраекта:

Дэпутат Марзалюк супраць закона пра хатні гвалт: Буду бараніць свае традыцыйныя каштоўнасці

Прасямейныя арганізацыі Беларусі збіраюць подпісы супраць закона аб хатнім гвалце. Каардынатар — «казак» Шапко

МУС прапануе абмеркаваць закон «Аб супрацьдзеянні хатняму гвалту»: топ-6 самых прарыўных пунктаў

МУС рыхтуе рэвалюцыйны закон супраць хатняга гвалту і сэксуальных дамаганняў

Віталь Цыганкоў, facebook.com

4
Азы палітыкі / адказаць
08.10.2018 / 22:05
Пацыфіст, NawSpad і іжэ с німі...

...хутчэй за ўсё, вы ні разу ня бачылі збітую на "горкі яблык" п'яным мужам жанчыну...

гэты геніяльны аргумэнт за прыняцьце закону аб легалізацыі беспардоннага ўмяшальніцтва ў сям'ю амаль ЛІТАРАЛЬНА паўтарае аргумэнт адной палітыканкі з выбітнога амэрыканскага тэлесэрыялу "Бязмозглыя" (арыг. "BRAINDEAD"), якая выступала за разьвязваньне вайны з Сірыяй:

"- Вот как выглядіт детёныш тюленя до того как у него взорвётся голова! Я не могу этого допустіть!"

Усім катэгарычна рэкамэндую паглядзець сэрыял, хоць бы і на рускай мове - шмат новага пра сябе і сваё паліт. навакольле зьведаеце.
3
Kate / адказаць
09.10.2018 / 12:12
Так цікава назіраць ху із ху. Самыя паважаныя тутшэйшыя спадары, як толькі гаворка заходзіць пра правы жанчын, ператвараюцца ў Цэрбераў. Чым больш жыву, тым больш упэўніваюся, што Беларусь стаіць на гвалце і падпарадкаванні жанчыны. Згвалціў Ранадла трох жанчын - мясцовыя каментатары робяць выснову, што яны самі гэтага хацелі.. Ну і іншае трызненне, ад якога ў цывілізаваных краінах у людзей валасы варушацца. А потым, маўляў, прадажным беларускам абы за іншаземца ўваліцца. Ды яны збягаюць ад вас, ад вас, спадарства, вашай бессардэчнасці і нахабства, і паразітавання на жанчынах. Дзяўчаты, калі ёсць шанец збегчы ў Еўропу - бяжыце, тут вас анічога добрага не чакае. Гэта краіна для мужчын.
1
Илля / адказаць
10.10.2018 / 21:17
Сказау як адрэзау
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2017 2018 2019
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31