Берлін падазрае ГРУ ў датычнасці да кібератак
Следам за іншымі краінамі Германія таксама абвінаваціла расійскае ГРУ ў датычнасці да маштабных кібератак. Урад Германіі «з імавернасцю, якая мяжуе з упэўненасцю, зыходзіць з таго, што за хакерскай групай APT28 стаіць расійская спецслужба ГРУ», заявіў прадстаўнік урада Германіі Штэфен Зайберт (Steffen Seibert) у Берліне ў пятніцу, 5 кастрычніка, паведамляе DW.
Па словах Зайберта, гэтая ацэнка грунтуецца на «сукупнасці вельмі добрай уласнай сістэмы крыніц і сабраных фактаў». Акрамя таго, Берлін «цалкам давярае» звесткам брытанскіх і нідэрландскіх ведамстваў, сказаў прадстаўнік урада. Германія «рэзка асуджае падобныя напады на міжнародныя арганізацыі і ўстановы сваіх саюзнікаў» і заклікае Расію «прызнаць сваю адказнасць і спыніць такія дзеянні».
Друкуецца ў межах спецыяльнай рубрыкі «Навіны Германіі»
