Румас: Плануем павялічыць пенсіі ў гэтым годзе яшчэ на 5%
Фота Волі Афіцэравай
Адказваючы на пытанне, калі пенсія дасягне запланаванага параметру ў 40% ад сярэдняга заробку кіраўнік урада заўважыў, што пенсіі ў гэтым годзе павышаліся ўжо двойчы. Аднак пакуль суадносіны паміж сярэдняй пенсіяй па ўзросце і заробкам складаюць 36,2%.
- Да канца года вырашыць гэтую праблему (дасягнуць 40%) немагчыма, для гэтага трэба было б пенсію амаль на 50%, - прызнаў прэм'ер. Румас растлумачыў, што прычынай таму рэзкі рост заробкаў у гэтым годзе.
Прэм'ер-міністр таксама паведаміў, што ўрад рыхтуе прапанову аб яшчэ адным павышэнні пенсій на 5%. Калі яго падтрымаюць, тады пенсіі у 2018 годзе вырастуць больш чым на 20%.
- З улікам інфляцыі на ўзроўні 6% - гэта рэкордны рост, - падкрэсліў Румас.
Нагадаем, у Беларусі з 1 жніўня выраслі працоўныя пенсіі, а таксама ўзнялі мінімальныя працоўныя і сацыяльныя пенсіі. Сярэдні памер прызначаных месячных пенсій у жніўні павялічыўся амаль да 364 рублёў.