Знайсці
04.10.2018 / 17:1912РусŁacБел

ЗША абвінавацілі семярых расіян ва ўзломах хімічных лабараторый

Міністэрства юстыцыі ЗША выставіла абвінавачванні сямі расіянам, якія, па інфармацыі ведамства, з'яўляюцца супрацоўнікамі ГРУ. Пра гэта на прэс-канферэнцыі паведаміў памочнік генпракурора ЗША Джон Дэмерс.

Імёны чацвярых абвінавачаных ужо раней агучыў міністр абароны Нідэрландаў на прэс-канферэнцыі. Іх назвалі супрацоўнікамі ГРУ, якія паспрабавалі ўзламаць сеткі Арганізацыі па забароне хімічнай зброі. Яшчэ трое абвінавачаных фігуравалі ў спісе 12 хакераў ГРУ, якіх спецпракурор ЗША Роберт Мюлер абвінаваціў ва ўзломе сервераў Дэмакратычнай партыі ЗША.

Чытайце таксама: Нідэрланды выслалі чатырох работнікаў ГРУ

Ведамства абвінавачвае семярых расіян у хакерстве, крадзяжы прыватнай і сакрэтнай інфармацыі, публікацыі інфармацыі для выкарыстання яе супраць нядобразычліўцаў Расіі і змены грамадскай думкі на карысць Расіі.

Цэлямі расійскіх хакераў былі ў тым ліку атлеты і антыдопінгавыя агенцтвы. Ахвярамі сталі прыкладна 250 спартсменаў з 30 краін, WADA, Спартыўны арбітражны суд, ФІФА, заявіў пракурор Скот Брэйдзі. «Іншымі словамі, Расія змахлявала, іх злавілі, ім забаранілі ўдзельнічаць у Алімпіядзе, яны раззлаваліся і адпомсцілі. Праз помсту яны парушылі закон, таму яны злачынцы», — сказаў Брэйдзі.

РБК

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера