У Беларусі жыве амаль 400 чалавек узростам за 100 гадоў
you.co.uk
У Беларусі пражываюць 396 чалавек, якім больш за 100 гадоў, — большасць з іх жанчыны, паведаміў сёння журналістам намеснік міністра працы і сацыяльнай абароны Аляксандр Румак, перадае БелТА.
«Па стане на 1 ліпеня ў Беларусі пражывалі 396 чалавек векам за 100 гадоў, у тым ліку 41 мужчына і 355 жанчын.
Па міжнародных крытэрыях насельніцтва лічыцца старым, калі доля людзей ва ўзросце 65 гадоў і больш складае 7% і больш. У Беларусі гэты паказчык складае 14,9%. Удзельная вага пажылых сярод насельніцтва Беларусі 25,1%.
У сельскай мясцовасці гэтай паказчык вышэйшы — 32%, у гарадах — 23,1%. Пры гэтым на 1 тыс. мужчын старэйшых за працаздольны ўзрост у Беларусі прыходзіцца 2,4 тыс. жанчын», — распавёў Аляксандр Румак.
Паводле яго слоў, на пачатак года ў Беларусі пражывалі 2 млн 377 тыс. чалавек, старэйшых за працаздольны ўзрост, у іх ліку 696 тыс. мужчын і 1 млн 681 тыс. жанчын.