Траіх пацярпелых ад выбуху на «Магілёўдрэў» будуць лячыць у Мінску. Яны ў цяжкім стане
Трое пацярпелых ад выбуху на прадпрыемстве «Магілёўдрэў» знаходзяцца ў цяжкім стане. Аднаго ўжо перавезлі на лячэнне ў Мінск, у спецыялізаванае апёкавае аддзяленне, піша Радыё Свабода.
Неўзабаве ў Мінск даставяць яшчэ дваіх пацярпелых. Іх транспартаванне ўзгодненае. Пра гэта паведамілі ў магілёўскай бальніцы № 1.
Стан пацярпелых абумоўлены вялікімі апёкамі, кажуць медыкі. Ступень пашкоджання дасягае 50 % плошчы цела.
«Гэта крытычная велічыня, але тым не меней, нягледзячы на цяжкасць стану, з улікам сучасных тэхналогій пацыенты гатовыя ўспрымаць медыцынскую дапамогу», — адзначыў супрацоўнік адміністрацыі бальніцы.
Стан яшчэ траіх пацярпелых работнікаў прадпрыемства пакуль высьветліць не ўдалося.
Выбух на прадпрыемстве «Магілёўдрэў» адбыўся ў фарбавальнай камэры мэблевага цэху 25 верасня прыкладна а 18.30. Шасцёра пацярпелых, двое з якіх жанчыны, знаходзіліся побач з эпіцэнтрам. Іх даставілі ў бальніцы горада.