У Бразіліі шпіталізавалі яшчэ аднаго кандыдата ў прэзідэнты
У Бразіліі шпіталізавалі яшчэ аднаго кандыдата ў прэзідэнты краіны. Гэтым разам у бальніцу Сан-Паўлу даставілі кандыдата ад Дэмакратычнай рабочай партыі Сіру Гомеса. Па дадзеных тэлеканала, ён адчуў дыскамфорт у вобласці мачавога пухіра.
У выбарчым штабе палітыка паведамілі, што Гомес прайшоў працэдуру камп'ютарнай тамаграфіі, аднак кандыдату ў прэзідэнты трэба будзе правесці некаторы час у шпіталі.
У пачатку верасня быў шпіталізаваны кандыдат у прэзідэнты і дэпутат бразільскага парламента ад Сацыял-ліберальнай партыі Жаір Балсанару. Ён атрымаў нажавое раненне ў жывот у горадзе Жуіс-ды-Фора, штат Мінас-Жэрайс. Яго паспяхова прааперавалі, аднак пазней палітык паскардзіўся на млоснасць і іншыя цяжкасці пасля аперацыі. У выніку дактары выявілі ў Балсанару непраходнасць кішэчніка, што здараецца пры цяжкіх траўмах. Для яе ліквідацыі была праведзена экстраная аперацыя, якая доўжылася каля гадзіны. Зараз ён праходзіць курс рэабілітацыі.
Выбары кіраўніка дзяржавы ў Бразіліі адбудуцца 7 кастрычніка. Па дадзеных апытанняў, Балсаонару з'яўляецца лідарам перадвыбарнай гонкі, за яго гатовы прагаласаваць 22% выбаршчыкаў. Усяго ў выбарах бяруць удзел 13 кандыдатаў.
